Wq/ne/लक्ष्मीप्रसाद देवकोटा

From Wikimedia Incubator
< Wq‎ | neWq > ne > लक्ष्मीप्रसाद देवकोटा
Jump to: navigation, search
लक्ष्मी प्रसाद देवकोटा

लक्ष्मीप्रसाद देवकोटा ( वि. सं. १९६६, तदनुसार १२ नोभेम्बर (सन् १९०९) - वि. सं. २०१६ भाद्र २९, (तदनुसार १४ सेप्टेम्बर सन् १९५९)) नेपाली साहित्यका महाकवि हुन्। देवकोटा नेपाली साहित्यका विभिन्न विधामा कलम चलाउने बहुमुखी प्रतिभाका धनी थिए। उनले कवितानिबन्ध विधामा गरेका योगदानहरू उच्च कोटिको मानिन्छ।

कथनहरू[edit]

कृतिहरूबाट[edit]


  • छेत्रीको छोरो यो पाउ छुन्छ घिनले छुदैन,
    मनिस् ठूलो दिलले हुन्छ जातले हुदैन।
    • मुना मदन


  • जरुर साथी म पागल!
    यस्तै छ मेरो हाल!
    • पागल


  • तिम्रा महापण्डित, मेरो महामूर्ख!
    तिम्रो स्वर्ग, मेरो नरक!
    तिम्रो सुन, मेरो फलाम
    साथी! तिम्रो धर्म मेरो पाप!
    • पागल


  • कुन मन्दिरमा जान्छौ यात्री,
    कुन मन्दिरमा जाने हो?
    कुन सामग्री पूजा गर्ने
    साथ कसोरी लाने हो?
    मानिसहरूका काँध चढी
    कुन देवपुरीमा जाने हो?
    • यात्री


  • सडक किनारा गाउँछ ईश्वर
    चराहरूको तानामा
    बोल्दछ ईश्वर मानिसहरूको
    पीडा, दु:खको गानामा
    • यात्री


  • नटिप्नु हेर कोपिला!
    नचुँड्नु पाप लाग्दछ।
    नच्यात्नु फूल नानि हो!
    दया र धर्म भाग्दछ।।
    • पाप लाग्छ


अन्य[edit]


  • म मरेपछि मेरा सबै कृति जलाईदिए पनि मुना मदन चाही नजलाउनु ।




स्रोत[edit]