Wq/ne/नेपाली उक्तिहरू
केहि नेपाली भनाईहरू जो अति प्रेरणादायक छन् यी भनाई कसले कुन बेला भनो यस्को केहि जानकारी छैन ।
उक्तिहरू[edit | edit source]
- जीवनमा सबै मानिसहरुबाट गल्ती हुने गर्दछ । ती गल्तीहरुदेखि नडराई बरु ती गल्तीहरुलाई ध्यानमा राखि सुधार गर्दै अगाडि बढ्नुहोस् ।
- आफ्नो जिन्दगीको लक्ष्य बनाउनुहोस् र त्यो पुरा नहुन्जेलसम्म त्यसमा नै डटेर लाग्नुहोस् । एउटा लक्ष्य पुरा भएपछि मात्र अर्काे लक्ष्यतर्फ ध्यान दिनुहोस् ।
- सधै अरुलाई सम्मान दिनुभन्दा पहिले आफूले आफूलाई सम्मान गर्नुहोस् । किनकि जसले आफ्नो सम्मान गर्न सक्दैन, उसले अर्काको सम्मान गर्न पनि सक्दैन ।
- सधै आफ्नो जीवनका सकारात्मक पक्षहरुलाई ध्यानमा राखेर अगाडि बढ्नुहोस् र नकारात्मक कुराहरुलाई आफ्नो मनबाट निकालिदिनुहोस् ।
- तपाई आफ्नो जीवनमा जे गर्न चाहनुहुन्छ, त्यसलाई एउटा योजना बनाएर नै पुरा गर्नुहोस् । जीवनमा सानो या ठुलो जुनसुकै लक्ष्य भएपनि योजना बनाएर नै अगाडि बढ्नुहोस् । जसले तपाई सफलताको मार्गमा अगाडि बढाउनेछ ।
- सबैको जिन्दगीमा अवसर आई नै रहेको हुन्छ । केवल त्यसलाई चिन्न जरुरी छ । त्यसैले अवसरको पहिचान गरी त्यसलाई कब्जा गर्नुहोस् ।
- कुनै पनि काम गर्दा शटकर्ट(छोटकरी) नखोज्नुहोस् । किनकि कहिलेकाही छोटो बाटो मुस्किल र खराब पनि हुनसक्छ । काम पुरा गरेबिना सफलताको आशा नराख्नुहोस् ।
- आफ्नो जीवनमा बहानालाई कुनै पनि स्थान नदिनुहोस् । किनकि हार्ने व्यक्तिसँग हरेक किसिमका बहाना हुने गर्दछ । त्यसैले अगाडि बढेर आफ्नो काम पुरा गर्नुहोस् ।
- जिम्मेवारीलाई स्वीकार गर्नुहोस् । आफ्नो जीवन, परिवार र कामप्रति पूर्ण रुपमा जिम्मेवारी बहन गर्दे अगाडि बढ्नुहोस् । जसले तपाईलाई सफलताको बाटोतर्फ लैजानेछ ।
- मानिसको जीवनमा पुस्तकको महत्वपूर्ण स्थान रहेको हुन्छ । राम्रा र ज्ञान दिने पुस्तकलाई आफ्नो साथि बनाउनुहोस् । जसले तपाईलाई तपाईको लक्ष्यप्रति जागरुक गराउनेछ ।
- अर्ति, उपदेश र औषधी तीतो हुन्छ।