Wq/my/Wikiquote:မူဝါဒများနှင့် လမ်းညွှန်ချက်များ
Template:Wq/my/Shortcut Template:Wq/my/Official policy Template:Wq/my/Policylist
ဝီကီကိုးကားသည် ပူးပေါင်းလုပ်ဆောင်နေသည့် ပရောဂျက်တစ်ခုဖြစ်ပြီး တည်ထောင်သူများနှင့် ပါဝင်ပံ့ပိုးသူများတွင် အောက်ပါ ဘုံရည်မှန်းချက်တစ်ခု ရှိသည်။
- ဝီကီကိုးကားဖြင့် ကျွန်ုပ်တို့၏ပန်းတိုင်သည် သမိုင်းတစ်လျှောက် ကိုးကားချက်များ၏ အကြီးမားဆုံး စုစည်းရာနေရာ ဖြစ်သော အမှန်တကယ် အခမဲ့ဖြစ်သော ကိုးကားချက်များကို ဖန်တီးရန်ဖြစ်သည်။ ဝီကီကိုးကားကို ယုံကြည်စိတ်ချရသော အရင်းအမြစ်တစ်ခု ဖြစ်လာစေလိုပါသည်။
ဝီကီကိုးကားတွင် အချို့သော မူဝါဒများနှင့် လမ်းညွှန်ချက်များ ရှိပြီး ပရောဂျက်တည်ထောင်သူများနှင့် ပါဝင်ပံ့ပိုးသူများက အရေးကြီးသည် သို့မဟုတ် မရှိမဖြစ်ဟု ယုံကြည်လက်ခံထားသည်။ ယင်းဖြင့် ကျွန်ုပ်တို့၏ ပန်းတိုင်သို့ လှမ်းချီရာတွင် အကူအညီ ဖြစ်စေပါသည်။ ဝီကီကိုးကား ကြီးထွားဖွံ့ဖြိုးလာသည်နှင့်အမျှ အနည်းဆုံးအနေဖြင့် ဤမူဝါဒအချို့သည် ပြောင်းလဲနေဆဲဖြစ်ကြောင်း သတိပြုရန် အရေးကြီးပါသည်။
ယေဘုယျအားဖြင့် လက်ခံထားသော မူဝါဒများ[edit | edit source]
- မူပိုင်ခွင့် ချိုးဖောက်ခြင်း မပြုရ။ ဝီကီကိုးကားသည် Creative Commons Attribution/Share-Alike License သတ်မှတ်ချက်နှင့် GNU Free Documentation License သတ်မှတ်ချက်များအောက်တွင် အခမဲ့ သုတပေါင်းချုပ်တစ်ခု ဖြစ်သည်။ မူပိုင်ခွင့် ပိုင်ဆိုင်သူ၏ ခွင့်ပြုချက်မရှိဘဲ ဖန်တီးမှုများ တင်သွင်းခြင်းသည် မည်သူမဆို ပြန်လည်ဖြန့်ဝေနိုင်သည့် အမှန်တကယ် အခမဲ့ ကိုးကားချက်များ ပါ၀င်သော ကိုးကားသုတပေါင်းချုပ်တစ်ခုကို တည်ဆောက်ရန်ဟူသော ကျွန်ုပ်တို့၏ ရည်ရွယ်ချက်ကို ခြိမ်းခြောက်စေနိုင်ကာ ပရောဂျက်အတွက် ဥပဒေကြောင်းအရ တာဝန်ယူမှုဆီသို့ ဦးတည်သွားစေနိုင်သည်။ နောက်ထပ် အချက်အလက်များအတွက် Wq/my/Wikiquote:မူပိုင်ခွင့်များ ကို ကြည့်ပါ။
- ဝီကီကိုးကားသည် ကိုးကားချက်များ၏ အနှစ်ချုပ်စုစည်းရာ ဖြစ်သည်။ ဤဆိုဒ်အား ကိုးကားသုတပေါင်းချုပ် ဖြစ်တည်လာစေရန်အတွက်သာ အဓိကအားဖြင့် အသုံးပြုသင့်သည်။ ယေဘုယျအားဖြင့် ဆွေးနွေးချက် စာမျက်နှာများသည် ထည့်သွင်းချက်များ ပိုမိုတိုးတက်လာစေရန် အထောက်အကူ ဖြစ်စေသည်။ ဝီကီကိုးကားက ဘာမဟုတ်ဘူးလဲကိုလည်း ဖတ်ရှုပါ။
- အခြားသော ပါဝင်ပံ့ပိုးသူများကို လေးစားပါ။ ဝီကီကိုးကား ပံ့ပိုးသူများသည် မတူညီသော နေရာ၊ မတူညီသော ယဉ်ကျေးမှုနှင့် မတူညီသော ရှုထောင့်များ ရှိကြသည်။ အခြားသူများကို လေးစားမှုဖြင့် ဆက်ဆံခြင်းဖြင့် ကျွန်ုပ်တို့သည် ကိုးကားချက်များ၏ သုတပေါင်းချုပ်ကို တည်ဆောက်ရာတွင် ထိထိရောက်ရောက် ပူးပေါင်းဆောင်ရွက်နိုင်မည်ဖြစ်သည်။
- သဘောတူညီချက်များကို လိုက်နာပါ။ အောက်ပါ သဘောတူညီချက်များကို လိုက်နာခြင်းဖြင့် ကျွန်ုပ်တို့သည် ပိုမိုကိုက်ညီပြီး အသုံးပြုနိုင်သော ကိုးကားချက်များ၏ သုတပေါင်းချုပ်ကို တည်ဆောက်နိုင်မည် ဖြစ်သည်။
- တည်းဖြတ်ခြင်း မူဝါဒ (ဆောင်းပါးများအား တည်းဖြတ်ပုံ)
- အမည်ပေးခြင်း သဘောတူညီချက် (ဆောင်းပါးအမည်ပေးခြင်း)
- သံတူကြောင်းကွဲများ (ခေါင်းစဉ်ပဋိပက္ခများအား ဖြေရှင်းခြင်း)
- ပုံအသုံးပြုခြင်း မူဝါဒ (ပုံတင်မှုများအား ကိုင်တွယ်ခြင်း)
- ဖျက်ပစ်ခြင်း မူဝါဒ (ဘယ်အချိန်မှာ ဘယ်လို ဖျက်ပစ်သလဲ)
- ဘက်မလိုက်သော အမြင်
အချို့သော ကန့်သတ်လုပ်ဆောင်ချက်များ အသုံးပြုခြင်း မူဝါဒများအတွက် စီမံခန့်ခွဲသူများ ကို ကြည့်ပါ။