Jump to content

Wq/gor/Miyamoto Musashi

From Wikimedia Incubator
< Wq‎ | gor
Wq > gor > Miyamoto Musashi
Miyamoto Musashi

Miyamoto Musashi 宮本 武蔵 (1584 – 13 June 1645) yito tawu ngota ahali lo samurai taa masahuru to lipu lo Japangi. Tiyo botiya he'anggapuwo lo tawu taa latunga da'a to lipu lo Japangi. Tiyo lopotihulo perguruan Hyoho Niten Ichi-ryu, meyalo ilimu lo wamilo Nito Ryu wawu loluladu Go Rin No Sho ( The Book of Five Rings) buku tuwawu ilomata muloolo tomimbihu strategi, taktik wawu filsafat.

Lumadu

[edit | edit source]

Go Rin No Sho (1645)

[edit | edit source]

Sinopsis to walungiyo botiya lonto volume bungaliyo "The Ground Book" (meyalo "The Earth Book") tombango ode subyek lonto 5 ilomata boyito:

  • Dalaliyo maa pilotunu mayi to delomo limo lo buku tomimbihu aspek hihihede. Utiya yito Huta, Taluhu, Tulu, Dupoto wawu u Kosongi. Himbunguwa lo Strategi Dalalo lonto bibilohu sikola Ichi latiya maa tilombanga mayi to buku Bungo. Masasa mopowali Dalalo u banari wonu bo moli dalalo wamilo. Ototayimu ma'o u damango wawu u kiki'o, u mooti wawu u modelomo. Odelo dalalo motulidu maa gilambari mayi to yitaato huta, buku oyintaliyo tilanggula Buku Bungo.
  • Oluwoliyo yito buku lo Taluhu. Wolo taluhu lowali bungoliyo, ruh mowali odelo taluhu. Taluhu modudu'a wololo tambatiliyo, woluwo odelo modehu mayi ngobotu-ngobotu, woluwo odelo bu'olo to deheto.… Wonu okawasamu prinspip-prinsip ilimu lo wamilo, to'u Yi'o wolo u bebasi mopota'aluku tawu ngota, Yi'o mowali mopota'aluku tita lo tita to duniya botiya. Sumangati mopota'aluku ta lola'i ngota yito tutuwawuwa ode mopulu juta mongolola'i. … Prinsip strategi yito mohama 1 hal, mongotota 10.000 hal.
  • Otoluliyo buku Tulu. Buku botiya tomimbihu u mohumbala. Ruh tulu yito ganas, openu tululiyo kiki'o meyambo damango; wawu odito olo wolo u mohumbala. Caraliyo sama mohumbala ngota mobaliya ngota wawu mopulo lihu wumbala duhengiyo. Wolo u mowali haragalo sumangati yito biyasaliyo mowali uda'a meyalo mooli. U damango ngo'inta ontonga, ukiki'o masasa bilohelo. Limbu'iyo ma'o, oda'aliyo ngohuntuwa mongolola'i masasa moheyi bilulo'a, sambe kokoliyo'i mongoliyo gambangi lantobulo. Tawu ngota yito ngo'inta moboli'a pikilangiliyo sambe masasa lantobulo kokoliyo'iyo. Musi haragamu uwito. Inti lo buku botiya Yi'o musi mopo'olato huyi wawu dulahu alihu ngo'inta lomato maopodutu lo putusani.
  • Opatiyo buku lo Dupoto. Buku botiya diila hemotombaango sikola Ichi latiya, dabo sikola strategi uweewoliyo ma'o. U hemakusuduwo latiya lo Dupoto yito tradisi muloolo, tradisi masa botiya, wawu tradisi strategi lo'u ngongala'a. Oditomola watiya mopojolasi mayi lo'u mopatato tomimbihu strategi-strategi lo duniya. Utiye tradisi. Susa mongotota batanga lohihilawo wonu diila motota batanga lo tawu. Timi'idu dalalo, woluwo tilitangowaliyo. Wonu Yi'o mobalajari dalala tuwawu timi'idu huyi, wawu sumangatimu lohihede, Yi'o tantu hemolantobu maa lodudu'o dalala u mopiyohu, dabo secara obyektif diila dalalo u banari. Wonu Yi'o lodudu'a Dalalo banari wawu yilapala ngo'idi, utiye u mowali hihede damango to dulahe momooli. Utiye u musi sadariyamu. Strategi uweewo he'anggapuwolo bo moyitohu bitu'o wamilo, wawu utiye debo mowali. Manfaat lo strategi latiya, openu tiyo tomimbihu ilimu lo wamilo, dudutuliyo debo modehu ode prinsip tuwawu. Wolo u hemakusuduwo lo strategi to sikola uweewo maa tilombaanga mayi latiya to buku Dupoto.
  • Olimoliyo, buku u Kosongi. Makusudu latiya lo'u kosongi yito tuwawuliyo lo'u diyalu bungoliyo wawu diyalu huudiyo. Lo'ooma ode prinsip botiya ma'analiyo jaa lo'ooma ode prinsip boyito. Dalalo strategi yito dalalo alamu. To'u Yi'o moharaga lotolo alamu, motota ritme nga'amila situasi, Yi'o mambo moma'i musuh secara alami wawu mosorangi secara alami. Nga'amila utiye dalala u kosongi. Makusudu'u wololo mopotunu mayi modudu'a dalalo u banari modudu'a alamu to delomo kitabi u Kosongi.

Tahe pomuntato

[edit | edit source]
  • Watiya timi'idu taawunu maa lopo'olato Dalalo Strategi, u hetanggulala Ni Ten Ichi Ryu, wawu masatiya maa tombanga mayi latiya to delomo tuladu, utiye u bungaliyo tiluladu.
  • Watiya maa lota'odu ode hu'idu Iwato to Higo, Kyushu mola longohi hurumati ode soroga, lodu'a ode Kwannon, wawu lotibonggohu'u to talu lo Budha. Watiya pejuang lonto provisi Harima, Shinmen Musashi No Kami Fujiwara No Genshin, wolomo pulo taawunu.