Wq/glk/هسا شر جه دریایی لنگرودی

From Wikimedia Incubator
< Wq‎ | glkWq > glk > هسا شر جه دریایی لنگرودی
Jump to navigation Jump to search

مۊ أنگۊر رزم

تۊ پيلؤدار

بدأ تأ فچکم

تا...

أفتؤوˇ کشه.


هألئه

جۊ-ه، اؤ دره

تا برنج‌بيني

يه جوؤني کار دأنيم.


هأنده، دريا

خۊ کلله-ه

کۊتبئنه

باد، پيچ خؤنه

ککائيل

ژيوير کؤنه

چيچي دؤنن

ايتؤ پريشؤنن؟!


دار غۊرباغاى

فۊت دؤدره

خۊ شيپۊر-ه

هوا ديل

خيلي پۊره.


سايه

سنگˇ أمرأ، دردˇ ديل کأدبۊ

کۊه ديل

تۊکؤن خؤرد.


نيصفˇ شؤ

رخاصي کؤنن سايه'ن

دارؤنˇ دسکلا جي.


صۊبايين سره

مي گالپۊش خؤنأک-ه

شۊرۊم بيته

وخته گه راه دککم.


هأچي دسيار زئنن

مي تيتي‌ئن-ه کألبئنن

بخأله دئه

أمئبه بهار نأنه؟!


تي گب، زۊمؤسؤنه

بيجابيجئى-ه

مؤندنه

بيه

گردˇ کلأى، بزنيم.