Wq/ba/Вадим Сафин

From Wikimedia Incubator
< Wq‎ | baWq > ba > Вадим Сафин

Вадим Сафиндың алтын фекерҙәре

  • Күңел төшөнкөлөгөнән йә ижад, йә мөхәббәт ҡотҡара.
  • Хәҡиҡәт эҙләүҙең иң шәп юлы - уға ышанмау.
  • Холоҡ таланттан көслөрәк: ул был бүләкте үҫтерә лә, үлтерә лә ала.
  • Иң иҫәр теләк - бөтәһенән дә аҡыллыраҡ булырға тырышыу.
  • Аҡыллының бәләһе - алйот булып күренә белмәүҙә.
  • Тиҫкәре яңылышҡанлығына өйләнгәс кенә ышана.
  • Рухһыҙлыҡ беҙҙең эстәме, әллә беҙ рухһыҙлыҡ эсендәме?
  • Бай булмаһаң, мөхәббәт буйынса өйләнеүең хәйерле.
  • Ҡатын-ҡыҙ логикаһы: "Был иргә был ҡатын тап килмәй" (сөнки уға үҙе генә тап килә ала).
  • Селәүсендәр бөркөттән түгел, тауыҡтан ҡурҡа.
  • Ҡурҡаҡтың хыялы - шаһитһыҙ йәшәү.
  • Окоптарҙа атеистар булмай.
  • Ни өсөн йәшәгәнеңде белһәң, бик күп ҡаршылыҡтарҙы еңеп була.
  • Хәҡиҡәткә илткән юлға ҡайғы-хәсрәттәр түшәлгән.
  • Һуҡырҙы етәкләп йөрөгән - бәхетһеҙ, уның етәгендә йөрөгән - өсләтә бәхетһеҙ.
  • Власть күберәк енәйәт ҡылған һайын халҡын да ҡатыраҡ язалай.
  • Заман кешеһенең һүҙ байлығы артһа ла, Алла һүҙе артманы.
  • "Һуҡыр" тәңкәне төшөрөп ҡалдырған урынынан түгел, фонарь аҫтынан эҙләр.
  • Бер эштә лә ялҡаулыҡты кәңәшсе итмә. Ялҡаулыҡ - шәхес тарҡалыуының башы, кәм тигәндә - үҫештә туҡтау ул.
  • Фекерләү ышаныуҙы еңер өсөн бирелгән. Ышаныуҙы еңеү - хәҡиҡәтте табыуға илтеүсе юл.
  • Телдең үлеме - милләттең һәләкәте.
  • Минең бөтә яҡшы яҡтарым - уҡытыусыларымдан, ҡалғанының бөтәһенә лә үҙем өлгәшкәнмен.
  • Ижади шәхестең ярһыуы ла, нәфрәте лә уның эшмәкәрлеген дәртләндерә. 4 Маһайыу - йөҙөңдө юғалтыуҙың башланғысы. Ул шәхесеңде бөтөнләйгә юғалтыу менән барып ослана.
  • Тормош - ул тыуыу менән үлеү араһындағы балҡыш.