Wp/zgh/ⵛⴰⴼⵉⵇ
ⵎⵓⵃⵎⵎⴰⴷ ⵛⴰⴼⵉⵇ ⵢⴰⵏ ⴳ ⵉⵡⵔⵉⴽⵏ ⵉⵅⴰⵜⴰⵔⵏ ⵏ ⵜⵓⵙⵙⵏⴰ ⵜⴰⵎⵖⵔⵉⴱⵉⵜ ⵙ ⵜⵓⵥⵍⴰⵢⵜ, ⴷ ⵜⵎⴰⵣⵉⵖⵜ ⵙ ⵓⵎⴰⵜⴰ, ⴰⵎⵣⵡⴰⵔⵓ ⵏ ⵉⵎⵙⵡⵉⵏⴳⵉⵎⵏ ⵉⵎⵖⵔⴰⴱⵉⵢⵏ ⵏⵏⴰ ⴷ ⵉⵙⵙⵏⴽⵔⵏ ⴰⴼⵔⴰⴽ ⵙ ⵓⵎⵏⴰⴷ ⴰⵎⴰⵣⵉⵖ ⴳ ⵜⵎⴰⴳⵉⵜ ⵜⴰⵎⵖⵔⴰⴱⵉⵢⵜ.
ⵉⵍⵓⵍ ⵎⵓⵃⵎⵎⴰⴷ ⵛⴰⴼⵉⵇ ⴰⵙⵙ ⵏ 17 ⵛⵓⵜⴰⵏⴱⵉⵔ 1926 ⴳ ⵜⵙⴳⴰ ⵏ ⴱⵉⵔ ⵟⴰⵎⵟⴰⵎ ⴳ ⴰⵢⵜ ⵙⴰⴷⵏ, ⵜⵉⵙⴳⴳⵉⵡⵉⵏ ⵏ ⴼⴰⵙ ⴳⵍⵎⵖⵔⵉⴱ.
ⵉⵍⵎⴷ ⴳ ⵓⵙⵉⵏⴰⵏ ⵏ ⵓⵥⵕⵓ, ⵉⵍⵎⵎⴰ ⵙ ⵓⵙⵉⵏⴰⵏ ⵏ ⵎⵓⵍⴰⵢ ⵢⵓⵙⵓⴼ ⴳ ⵕⵕⴱⴰⵟ, ⵢⴰⵎⵥ ⵜⵓⵔⴰⴳⵜ ⴳ ⵓⵎⵣⵔⵓⵢ, ⴷ ⵓⵙⵍⴽⵉⵏ ⴳ ⵜⵎⴳⴳⵉⵡⵙⵜ ⵜⴰⵙⴳⵎⴰⵏⵜ.
ⵉⵜⵜⵓⵙⵎⴰⴳⴰⵍ ⴳ ⵓⵙⴳⴳⵯⴰⵙ 1959 ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵓⵙⵍⵎⴷ, ⴹⴰⵕⵜ ⵏⵏⵙ ⴰⵎⴰⵔⵉ ⵏ ⵓⵎⴰⵔⴰ ⵏ ⵓⵡⴰⵏⴽ ⴳ ⵓⵙⵍⵎⴷ ⵏ ⵓⵙⵉⵏⴰⵏ ⴷ ⵓⵜⵉⵇⵏⵉ ⴰⵎⴰⵜⴰⵢ ⴰⵙⴳⴳⵯⴰⵙ ⵏ 1970, ⴷ ⴰⴷⵖⴰⵔ ⵏⵏⴰ ⵙ ⵉⴼⵔⴳ ⴳ ⵜⵏⴱⴰⴹⵜ ⵏ 1971.
ⵢⵓⵎⵥ ⴰⴷⵖⴰⵔ ⵏ ⵓⵎⴰⵔⴰ ⵏ ⵓⵡⴰⵏⴽ ⴷⴰⵔ ⵓⵎⴰⵡⵙⴰⵙ ⴰⵎⵣⵡⴰⵔⵓ 1972, ⴹⴰⵕⵜ ⵏⵏⵙ ⵉⵜⵜⵓⵙⵎⴰⴳⴰⵍ ⵙ ⵜⵎⵙⴽⵉⵔⵜ ⴳ ⵓⴱⵔⵙⵉⵔⴰ ⴰⴳⵍⴷⴰⵏ, ⵎⴽⵍⵍⵉ ⵉⵙⵡⵓⵔⵉ ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵎⴰⵡⵍⴰⵡⵉⵜ. ⴹⴰⵕⵜ ⵏⵏⵙ ⴰⴳⵎⴰⵎ ⴳ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ 1976.
ⴳ ⵡⴰⵙⵙ ⵏ 17 ⴽⵟⵓⴱⵕ 2001, ⵉⵜⵜⵓⵙⵎⴰⴳⴰⵍ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵔ ⴰⵙⴳⴳⵯⴰⵙ 2003 … ⴹⴰⵕⵜ ⵏⵏⵙ ⴰⴳⵎⴰⵎ ⴷⴰⵔ ⵓⵙⵇⵇⵉⵎ ⴰⵏⵙⴼⴰⵡⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⴳⴳⵯⴰⵙ ⵏ 2003.
ⵉⵜⵜⵔ ⴳ «ⵓⵙⵎⵎⴰⵍ ⴰⵎⴰⵣⵉⵖ» ⴰⵙⴳⴳⵯⴰⵙ ⵏ 2000 ⵏⵏⴰ ⵅⴼ ⵙⴳⵎⴹⵏⵜ ⵜⵉⵎⴰⴹ ⵏ ⵜⵓⴼⵔⵉⵏⵉⵏ ⵜⵉⵎⴰⵣⵉⵖⵉⵏ ⵉ ⵡⴰⵍⴰⵙ ⵏ ⵓⵙⴰⵜⵉⴳ ⵉ ⵜⵓⵜⵍⴰⵢⵜ ⴷ ⵜⴷⵍⵙⴰ ⴷ ⵜⵎⴰⴳⵉⵜ ⵜⴰⵎⴰⵣⵉⵖⵜ, ⴷ ⵉ ⵓⵎⵓⴽⵏ ⵏ ⵓⵙⵍⵎⴷ, ⴷ ⵡⴰⵍⴰⵙ ⵏ ⵜⵉⵔⵔⴰ ⵏ ⵓⵎⵣⵔⵓⵢ ⴰⵎⵖⵔⴰⴱⵉ.
ⵉⴷⵍⵉⵙⵏ ⴷ ⵜⵣⵔⴰⵡⵉⵏ ⵏⵏⵙ ⴼⴰⴽⴰⵏⵜ ⵢⴰⵜ ⵜⴰⵏⴳⴰ ⵜⴰⴱⵖⵓⵔⵜ ⵉⵎⵖⵔⵉⵜⵏ ⴷ ⵉⵎⵔⵣⵓⵜⵏ ⴳ ⵜⴷⵍⵙⴰ ⵜⴰⵎⴰⵣⵉⵖⵜ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⵙⴳ ⵉⴷⵍⵉⵙⵏ ⵏⵏⵙ:
ⵜⵓⵣⵍⴰⵎⵜ ⵅⴼ ⴽⵕⴰⵎⵔⴰⵡ ⴷ ⴽⵕⴰⴹ ⵏ ⵜⴰⵙⵓⵜ ⵙⴳ ⵓⵎⵣⵔⵓⵢ ⵏ ⵉⵎⴰⵣⵉⵖⵏ.
ⴰⵎⴰⵡⴰⵍ: ⵜⴰⵄⵕⴰⴱⵜ – ⵜⴰⵎⴰⵣⵉⵖⵜ.
ⴽⵓⵎⵔⴰⵡ ⴷ ⴽⴽⵓⵥ ⵏ ⵜⵎⵙⵉⵔⴷⵜ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⴳ ⴰⴷⵍⵉⵙ ⵏ ⵜⵊⵕⵕⵓⵎⵜ ⵜⴰⵎⴰⵣⵉⵖⵜ.
ⴷⴷⴰⵔⵉⵊⴰ (ⵜⴰⵏⵜⴰⵍⴰ) ⵜⴰⵎⵖⵔⴰⴱⵉⵜ, ⵉⴳⵔ ⵏ ⵓⵏⵢⴰⵍⴽⴰⵎ ⵏⴳⵔ ⵜⵎⴰⵣⵉⵖⵜ ⴷ ⵜⵄⵕⴰⴱⵜ.
ⵢⵉⵡⵙ ⵙ ⵉⵎⴰⴳⵔⴰⴷⵏ ⴷ ⵜⵣⵔⴰⵡⵉⵏ ⴳ ⵢⵉⴳⵔⴰⵏ ⵉⵎⵏⵏⴰⵡⵏ, ⴳ ⵜⵍⵍⴰ ⵜⵙⵖⵓⵏⵜ ⵏ «ⵜⵉⴼⴰⵡⵜ » ⵏⵏⴰ ⵏⵉⵜ ⵉⵙⴱⴷⴷ, ⴷ ⵜⵙⵖⵓⵏⵉⵏ «ⴰⵎⴰⵣⵉⵖ» ⴷ «ⵜⴼⵉⵏⴰⵖ». ⴷ ⵜⵙⵖⵓⵏⵜ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵢⵓⵎⵥ ⵎⵓⵃⵎⵎⴰⴷ ⵛⴰⴼⵉⵇ ⴳ ⵓⵙⴳⴳⵯⴰⵙ 1967 ⵜⴰⵎⴰⴷⴰⵢⵜ ⵏ ⵓⴷⴳⵉ, ⴷ ⵜⵎⴰⴷⴰⵢⵜ ⵏ ⵜⴽⴰⴷⵉⵎⵉⵜ ⵜⴰⴼⵕⴰⵏⵙⵉⵙⵜ ⴰⵙⴳⴳⵯⴰⵙ ⵏ 1972.
ⵢⵉⵡⵉ ⴳ 11 ⴷⵓⵊⴰⵏⴱⵉⵔ 2002 ⵜⴰⵙⵎⵖⵓⵔⵜ ⵏ «ⵓⵎⵏⵓⴽⴰⵍ ⴽⵍⴰⵡⵙ» ⵉ ⵜⴷⵍⵙⴰ ⴷ ⵜⴳⵎⵉ ⵙⴳ ⴷⴰⵔ ⵓⴳⵍⴷⵓⵏ ⴰⵀⵓⵍⴰⵏⴹⵉ ⴰⵍⵉⴽⵙⴰⵏⴹⴰⵕ, ⴷ ⵏⵜⵜⴰⵜ ⵜⴰⵙⵎⵖⵓⵔⵜ ⵜⴰⵎⴰⵜⴰⵢⵜ ⴰⵔ ⵜⴻⵜⵜⵓⴼⴽⴰ ⵏ ⵉⵡⵔⵉⴽⵏ ⵓⵥⵍⴰⵢⵏ.