Wp/zgh/ⵉⵍⵉⵟⵟ
ⵉⵍⵉⵟⵟ (ⵙ ⵜⵄⵕⴰⴱⵜ: شحاذ العين) ⵉⴳⴰ ⵜⴰⵎⴰⴹⵓⵏⵜ ⵉⴽⴽⴰⵜⵏ ⵜⵉⵡⴰⵍⵍⵉⵏ ⵏⵖ ⵜⵉⵟⵟⴰⵡⵉⵏ ⵏ ⵓⴼⴳⴰⵏ, ⴰⵔ ⵉⵜⵜⴳⴳⴰ ⵉⵍⵉⵟⵟ ⵜⴰⵇⵇⴰⵢⵜ ⵜⴰⵣⴳⴳⵯⴰⵖⵜ ⵉⵜⵜⵉⵍⵉⵏ ⵜⴰⵎⴰ ⵏ ⵜⵉⵟⵟ ⵅⴼ ⵓⴷⵎ ⵓⴼⴼⵉⵖ ⵏⵖ ⵅⴼ ⵓⴷⵎ ⴰⴳⵏⵙⴰⵏ ⵏ ⵜⴰⵎⴰⵡⵉⵏ. ⴰⵔ ⵢⴰⴽⴽⴰ ⵉⵍⵉⵟⵟ ⵢⴰⵏ ⵓⵎⵃⵃⴰⴹ ⵉⴼⵙⵙⵓⵙⵏ ⴷ ⴰⵔ ⴳⵉⵙ ⵉⵜⵜⵉⵍⵉ ⵉⵎⵉⵇⵇ ⵉⴷⵔⵓⵙⵏ ⵏ ⵓⴳⵎ[1] ⴳ ⵉⵅⴼ ⵏ ⵜⴰⵇⵇⴰⵢⵜ, ⵎⴽ ⵜⵖⵉ ⴰⴷ ⵜⴻⵜⵜⵛⵛⴰⵕ[2] ⴰⴽⴽⵯ ⵙ ⵓⴳⵎ ⵙⴳ ⵡⴰⵎⵎⴰⵙ. ⵉⵍⵉⵟⵟ ⴳ ⵓⵥⵓⵕ ⵏⵙ ⵉⴳⴰ ⵢⴰⵏ ⵡⴰⵏⴰⵡ ⵏ ⵜⴱⴰⴽⵜⵉⵔⵉⵜ[3]. ⴳ ⵎⴰⴷ ⵉⴳⴳⵓⵜⵏ, ⴰⵔ ⵉⵜⵜⵊⵊⵉ ⵓⴼⴳⴰⵏ ⵙⴳ ⵜⵎⴰⴹⵓⵏⵜ ⵏ ⵉⵍⵉⵟⵟ ⵖⴰⵙ ⵙ ⵉⵅⴼ ⵏⵙ, ⵡⴰⵔ ⴰⵙⵖⵉⵡⵙ ⵙ ⴰⵙⴰⴼⴰⵔ[4].
ⵜⴰⵎⴰⴹⵓⵏⵜ
ⵉⵍⵉⵟⵟ ⵉⴳⴰ ⴰⵎⵙⵉⵖⵉ (ⵜⴰⵎⴰⴹⵓⵏⵜ ⵉⵜⵜⵎⵓⵜⵜⵓⵢⵏ ⵙⴳ ⵓⴼⴳⴰⵏ ⵙ ⵡⴰⵢⵢⴰⴹ) ⴰⴱⴰⴽⵜⵉⵔⵉ ⵉⴽⴽⴰⵜⵏ ⴰⵥⵓⵕ ⵏ ⵡⴰⴱⵍⵉⵡⵏ ⵏ ⵜⵉⵟⵟ[4].
ⵜⵉⵎⵏⵜⴰⵍ
ⵉⵍⵉⵟⵟ ⵉⴳⴰ ⵜⴰⵢⴰⴼⵓⵜ ⵏ ⵜⵓⴽⵓⵜ ⵏ ⵉⴳⵔⵓⵣⵏ ⵉⵣⵉⵜⴰⵎⵏ ⵉⵍⵍⴰⵏ ⴳ ⵜⴰⵎⴰⵡⵜ, ⵜⵓⴽⵓⵜ ⴰⴷ ⵙ ⵉⵅⴼ ⵏⵏⵙ ⴰⵔ ⵜⴻⵜⵜⴳⴳⴰ ⵜⴰⵢⴰⴼⵓⵜ ⵏ ⵓⵎⵙⵉⵖⵉ ⵙ ⵢⴰⵏ ⵡⴰⵏⴰⵡ ⵏ ⵜⴱⴰⴽⵜⵉⵔⵉⵜⵉⵏ ⵉⴹⴼⴰⵕⵏ ⵉ ⵡⴰⵏⴰⵡ ⵏ ⵜⵙⵜⴰⴼⵉⵍⵓⴽⵓⴽⵓⵙⵜ (ⵙ ⵜⵎⴰⵣⵉⵖⵜ:ⵜⵓⴱⵕⵉⵎⵉⵏ ⵜⵉⵣⵔⵓⵔⴰⵏⵉⵏ ⵏⵖ ⵜⴰⵥⵕⵎⵜ ⵏ ⵡⴰⵇⵇⴰⵢⵏ)[4].
ⵜⵉⵎⴰⵜⴰⵔⵉⵏ (ⵉⵙⴰⴱⵜⵓⵎⵏ)
ⵉⵍⵉⵟⵟ ⵖⵓⵔⵙ ⵜⵓⴳⵜ ⵏ ⵜⵎⴰⵜⴰⵔⵉⵏ ⴷⴰ ⵙ ⵉⵙⵢⴰⴼⴰ ⵓⵎⵓⴹⵉⵏ ⵣⵓⵏ[4]:
- ⵉⵍⵍⵡⵉ ⵏ ⵜⵇⵇⴰⵢⵜ ⵜⴰⵣⴳⴳⵯⴰⵖⵜ ⴳ ⵜⴰⵎⴰ ⵏ ⵜⵉⵟⵟ, ⵅⴼ ⵜⴰⵎⴰⵡⵜ ⵜⵓⵣⴷⵉⵔⵜ ⵏⵖ ⵜⴰⵏⴰⴼⵍⵍⴰⵏⵜ.
- ⵓⴳⵓⵣ ⵏ ⵉⵎⵟⵟⴰⵡⵏ.
- ⴰⵎⵃⵃⴰⴹ ⴳ ⵜⴰⵎⴰⵡⵜ ⵏ ⵜⵉⵟⵟ.
- ⴰⴱⵣⵣⴰⴳ ⵏ ⵜⵉⵟⵟ ⵙⴳ ⵓⴷⵎ ⵓⴼⴼⵉⵖ ⵏ ⵜⴰⵎⴰⵡⵜ.
ⵉⵙⴰⵖⵓⵍⵏ