Wp/zai/Mud nkenap men lazo’ men

Rê men yínt nak rê men nzi nu kostum men, men nkenu kreens men, rê men bà nak rê men yínt, rê men yíntà, rê men bà ndâ lô rê xa’ nchák, ndâ lô rê xa’ nda’ god, rê men yínt nak rê men ndlí lazo’n rê Ngwe’z, rê men bà ngo’ le’y, rê men bà ndòb nobén, rê men bà ngix mís tís kwan ndyak men, zá ríd jwa’n ndyak men, ná tís xámud nak jwa’n ndyak men ngix men mes yaxkè yá’ Mzya’n, yá’ Ndòb do’, yá’ Mdo’ o tís le’y chá’n Mdan do’, Mdan ngùjà tyá ngix men le’y yá’ xa’, kíx men salve na kon responso rê yá’ gan zá par ngén kwan tyák men o zá par ríd jwa’n ndyak men. Rê men yíntà tayal gak men mbwa’n tak relijyón yínt nzo men, mbay na tís nke’ men god o kwan lì men ndablo men kê men yèd tap wiz.

Mbay na rê men xtilà, rê men bà nandlít lazo’n ngwe’z, xa’ bà nambìta nak, tís ndé yîz nambìta ndâ xa’ lô doktor, o tís yîz bixá bé’nta lô Diosta ndori’d nda’b xa’ jwa’n ndyak xa’, rê xa’ yá nanaktra’ xa’ men yínt, xa’ yá nak xa’ xtil. Jwa’ná zá yò do’ta ndonû xa’ mbèd zá ndlí wên xa’ mbèd, rê xa’ bà nanchàtra’ xa’ rò bén. Xá nak yalà yò do’ta ndonû xa’ yal zá ngo’ zéná, gáb na’ rê xa’ xtil nanchat xa’ mber yal, mbay na tadibá nanda’blot xa’ gak xa’ mbwa’n nanyêday tak má ná mbrotelà xa’ lô bén. Mbay na tís kwan ndlí xa’ ndâ xa’ yò do’ bé’nta gálbtáp horas nke xa’ yèd, tak nambìta nak chá’n xa’, nambìta ndo xa’, le’y rê xa’ tíj nà tís nzo rol xa’ tíj ndye lô rê ngwe’z per bé’nta 24 horas nke xa’ yèd, nanket xa’ yèd tap wiz.