Wp/yua/Ts'unus

Ts'unus wáa cáncere' u k'aaba' junmúuch' k'oja'anilo'ob keet bix u ts'a'ayal, ku píitmáan u bin u jatspajal célulaob yaan ichil kwíinkilal. Ku ya'alik Rupert Allan Willis, juntúul australiano jts'akyajile', jump'éel neoplasiae', búuybak' ku séeb nojochtal wáa ka'aj ke'etek yéetel uláak' bak'el, ku ts'o'okole' mina'an mixba'al u yil yéetel u nuupo'ob, bey xano', kex ka'aj xu'uluk ba'ax beet u káajale', ma' tu jáawal u nojochtal. Ti' le tsoolila' ku páajtal u ya'ala'al xan, le ba'ax táan u bin u nojochtala' mix ba'al u beelal, ku loobiltik tu'ux u k'ubeentmubáaj yéetel tu juunal ku ch'íijil. Ku páajtal u káajal je'el tu'uxake' ku tso'okole' ku t'i'it'kubáa ti' uláak' tu'uxo'ob. Le ba'alo'oba' ku beetik u kíimil máak wáa ma' tu séeb ts'a'akal. K'ajóolta'an maanal jo'ok'al u jejeláasil le ts'unuso'. Le jach k'ajóolta'ano'obo' leti' le ku tsa'ayal ti' oot'elo', sot'o't, iim yéetel iit.