Páay ooch: juntúul chan ba'alche', u boonile' boox yéetel sak, ma' tu jach nojochtal tumen ma' tu máan ti' ka'a na'k'ab beeyxan ma' jach áalo'obi'. U neje' chan chawak ba'ale ya'ab u tso'otselil, chawak u yíich'ako'ob, le je'elo' uti'al u páanik tu'ux ken u kaxt u yo'och, leti'obe' je'el u páajtal u jaantiko'ob xíiwo'ob yéetel mejen ik'elo'ob wa uláak' mejen ba'alche'ob ma' tu máansik u nojochil. Ichil le ba'alche'ob ku jaantik u yet ba'alche'obe' ma'atech ku jach náats'al ti' le páay oocho' tumen le ken u yu'ub ku taal loob ti' ku tits'ik u wiix, le je'elo' jach k'a'am u bookel yéetel xane' ku ya'alale' wa ku tits'il ti' u yiiche', ku sa'atal u sáasil u paakat.
