Wp/yua/Fernando Castro Pacheco

Fernando Castro Pacheco

Fernando Castro Pacheco (Jo', Yucatán, 26 ti’ enero tu ja’abil 1918 - 8 ti' agosto tu ja'abil 2013) letie’ juntúul ajbonil, muralista, ajmeyaj k’aab, grabador yéetel ilustrador, mexicano, sija’an tu káajil Mérida tu lu’umil Yucatán. K’aajóola’an yo’olal u meyaj Boono’ob ku k’a’ajsik yaan u pixan yéetel u k’aj layil u káajil Mexicanos, le je’en bix tun xan Yucatecos, bey u meyaj yéetel jela’antak éesajilo’ob súuk u yíilk’ajal. Fernando Castro Pacheco yaan xan u meyajo’ob de caballete bey meyaj k’aabo’ob, ya’akach áanalte'o’ob xane’ laj u bonmaj. Ichil u túukulo’obe’ yaan u junab u meyaj bonilo’ob yéetel jejela’as ba’alo’ob ku yáantal. Letie’ juntúul artista k’aajóola’an tu lu’um, tu kaajal le beeyxane’ tu k’íinile’ tak táanxe’ lu’umil.

U kaambalo’ob

Tu chumbesaj u xook ti’ Escuela de Pintura y artes Plásticas tu káajal, tu binbaj quince ja’ab tie’ yaanchaj ka’atúul u jka’anbesaj Modesto Cayetano yéetel Ignacio Rubio Milan. Le najil xook je’ela paybesa’aj ichil ya’ab ja’ab tumen le ajmeyaj k’aab Alfonso Cardone. U meyajo’obe’ u junab ichil u bonilo’ob, u lineasilo’ob yéetel mak’anilo’ob, leti’ tune’ ku yéesik u tuukul. Beytun xane’ juntúul meyaj ichil le bonilo’obo’ (ichil u t’aan) k’aajóola’an tu lu’um, tu kaajal le beeyxane’ tu k’íinile’ tak táanxe’ lu’umil.