Wp/yua/Bix u meyajta'al kool

Ku ya'alik le nukuch máako'obo' utia'al u beetik u koolo'obe' k'a'ana'an u yáax xíimbatiko'ob u lu'umil utia'al ka'aj beeychajak u yiliko'ob wáa ma'alob utia'al u meyajtiko'ob, wáa ma'alob tu yilajo'obe' ku jolch'aktiko'ob ku ts'okole' ku p'isiko'ob ku tsaiko'ob u xu'uk'il utia'al u bisiko'ob jay tsáak tsook u beetiko'ob yéetel u yiliko'ob u tsaik u p'iis beka'aj ken u meyajto'obi', ku kooliko'ob, le káan ts'o'okoke' ku míistiko'ob u ba'pach, ku pa'tiko'ob u k'uchul u k'iinil u tóokiko'ob, leken ts'o'okok u tojko'obe' , leken k'aaxak le chaako' ku pak'iko'ob u yi'inajilo'ob, le ken p'iisak táan páak'ile' ku páaktiko'ob ichil le paak'alo'obo' ku p'atiko'ob jun súutukil, tak u k'uchul u k'inil u waatsi'ko'ob le u sakabil le nalo', ku máan k'iino'ob, le kan k'uchuk u k'iinil u jocho'obe' ku bin ichil u koolo'ob u míis u nu'ukulil tu'ux ken u tsáaj u nalo'ob, ku joochiko'ob, ti' le je'ela ku xíixtiko'ob tak tu'ux ku yéeyiko'ob u ma'alobil yéetel u laabil, le je'ela' yaan ti' letio'obe'e' layli' ku meyajo'ob wáa ku joocho'ob yéetel xúuxak, ti' le je'ela' ku joósiko'ob u inajo'ob utia'al u pak'o'ob ti' u láak ja'ab. Le je'ela' bey u meyajta'al le kool tuméen le úuchben máako'obo'.