Wp/yua/Bix ku xooko'ob le mejen paalalo'ob tu najil xook

Le kéen in káajs le xooko', yáaxe' kin ts'íibtik ba'ax k'iinil yaano'on ku ts'o'okole' k-k'ayik jump'éel chan k'aay ti' ma'alo'ob k'iin ku ts'o'okole' k-jóok'ol te'el táankabo' uti'al u sats'kuba'ob, ku ts'o'okole' kin wa'aliktio'ob ba'ax ken k-beetej.

Ts'áaik xook

Je'el bix: u ya'aliko'ob u k'aaba', ba'ax yaan tu yotocho'ob, u k'aaba' juntúul ba'alche', kaax, k'éek'en, miis, taman, peek', t'eel, t'uut', t'u'ul, wakax, tsíimin, tso', xtuux, tu'uk. Ku ts'o'okole' yaan u t'aano'ob je'el bix le chan ba'alche'o'ob yaan u xot'iko'ob u yoochelo'ob le mejen ba'alche'obo', yaan u tak'iko'ob tu pikilju'uno'ob yaan xan u ts'íibtik u k'aaba', yaan u booniko'ob, yaan u ya'aliko'ob jayp'éel u yook le mejen ba'alche'ob tu kaxtajo'ob, beeyxan yaan u bisiko'ob juntúul le ba'alche'ob yaan tu yotocho'obo' ka'aj u jach yilo'ob yéetel u k'ajóoltiko'ob.

Ichil le najil xooko' ku náaysik u yóolo'ob yéetel le buulo' tu'ux ku yiliko'ob jejeláas oochel ba'alche'ob bix u boonilo'ob, ku xokiko'ob jayp'éel yaan ti' le pikilju'uno', ti' le je'ela' ku beetal xan u mu'uk'a'ankunta'al u k'aj óolal le kaambalo'obo'.