Wp/yua/Benito Juárez

Benito Pablo Juárez García jsíij tu kaajil San Pablo Guelatao, Intendencia de Oaxaca tu k’iinil 21 ti’ marzo ti’ 1806 yéetel jkíim tu noj kaajil Ciudad de México, tu k’iinil 18 ti’ julio ti’ 1872. k’aj óola’an beey El Benemérito de las Américas, yáax presidente ti’ u noj kaajil México máasewáal zapoteca u ch’i’ibalil (21 ti’ enero ti’ 1858 tak u k’iinil ka kíim 18 ti’ julio ti’ 1872)¹.

U kuxtal

Yaan ti’ óoxp’éel ja’ab ka jkíim u yuumo’ob, ka p’áat tu kanáant u ts’e’ yuum Bernardino, ti’al u kanáant u káax yéetel u beet kanáant tamano’ob.

Ka’aj tu chukaj 12 ja’ab ti’e’, ichil u ts’íiboltik u kaan xooke’, puuts’ tu kaajal ka’aj jk’uuch’ tu noj kaajil Oaxaca. Talam tu yilaj le ka’aj jk’uucho’ tumen ku t’aanik u síijnáal t’aan: zapoteco, ka p’áat yiknal u kiik tu’ux meyajnaj bee jk’oose’ tak ka’aj tu k’aj óoltaj ich u ma’ táan u t’anik kastelan t’aan yumk’iin Antonio Salanueva.

Ka’ansa’ab xook yéetel ts’íib tumen Salanueva yéetel ajka’ansaj Domingo González, xoknaj Seminario de la Santa Cruz tu’ux tu xokaj latín, filosofía yéetel teología, ba’ale’ tu p’ataj, ka’aj tu xokaj Derecho tu najil xook Instituto de Ciencias y Artes. Ti’al u ja’abil 1834 tu k’amubáaj abogado. U yáax máasewáal abogado yaan te’ kaajilo’.

Tu'ux jóok'sa'abi'

¹https://es.wikipedia.org/wiki/Benito_Ju%C3%A1rez