Wp/xmm/Bibel

Vor orang Yahudi pe bibel, pigi ka Bibel Yahudi dang.

Bibel Gutenberg, bibel partama yang dikase cetak pake masin.

Bibel of Alkitab tu orang-orang Kristen pe kitab suci. Ada dua bibel pe bagean, bagean partama tu jo dapa sebut Parjanjian Lama dan bagean kadua tu dapa sebut Parjanjian Baru. Bibel pe buk-buk isi nyanda sama samua, orang Katolik bapake 66 buk, mar orang Ortodoks Etiopia bapake 81 buk dang. Orang Islam ada parcaya kalu bibel tu deri Allah, mar dorang parcaya kalu tempo ini bibel pe isi so nyanda asli lei, so manusia ada kase ganti.

Pajanjian Lama

Lebe lanjut, buka Parjanjian Lama jo.

Ni bagean bibel pe isi tu wet, sjara, nubuat, dan mazmur, ni samua pe asal vor orang Israel Kuno. Samua ajaran dalang ni bagean tu ajaran yang orang Agama Yahudi ja iko akang. Buk-buk dalang ni bagean tu dikase tulis pake bahasa Ibrani dan bahasa Aram.

Pajanjian Baru

Lebe lanjut, buka Parjanjian Baru jo.

Ni tu bagean bibel yang dia pe isi Yesus pe ajaran-ajaran. Buk-buk dalang ni bagean tu dikase tulis deng bahasa Yunani, mar ada jo yang batulis pake bahasa Aram.

Lia lei

• Torat, ni lima buk yang Musa kase tulis, ni buk-buk tu ada pa Bibel pe bagean partama.
• Alkur'an, agama Islam pe kitab suci.
• Weda, agama Hindu pe kitab suci.