Wp/xmm/Albert Einstein

Albert Einstein di 1921

Albert Einstein (/ˈaɪnstaɪn/ eyen-styne; bahasa Jerman: [ˈalbɛɐ̯t ˈʔaɪnʃtaɪn]); 14 Maret 1879 – 18 April 1955) itu ahli fisika, yang da lahir di Jerman. Dia da kase kembang tu teori relativitas, satu dari fisika pe dua pilar penting di tempo ini (satu yang laeng lagi tu mekanika kuantum). Dia pe karya-karya da takanal, lantaran da kase pangaru basar pa filosofi ilmu pangatahuan. Parsamaan Einstein yang paling takanal tu rumus kesetaraan massa-energi ($E=mc^{2}$), yang ja dapa bilang "parsamaan paling takanal di dunia". Einstein da dapa Nobel Fisika di taong 1921, lantaran dia pe jasa vor fisika teoretis, deng lebe khusus vor dia pe temuan tentang hukum efek fotolistrik", yang da jadi langka panting dalang kase kembang tu teori kuantum.