Wp/xkv/Neo Masisi

Neo Jane Masisi yo o zega gape gka lebijo la Naatsile ke Mma Tjautyona wa Botswana ebile ke mogumagari wa ga Tjautyona Mokgeetsi Masisi.

Bochelo jwagwe

Neo Jane Masisi ye e belegwa gka 1971 kana 1972 Francistown, e le yo mogolwane kana moghwana wa ntha mo go mba ba baratyaro ba ga Baruki le Irene Maswabi. Bazari bagwe bothe ye e le bialogane za Unibesity. Ye e golela mo Gaborone a ba a tjena shekole mo Gaborone, gko bazari bagwe ye be berekela gkayo.

Ye e ngwalana le Mokgweetsi Masisis gka 2002, ba na le moghwana yo o bijwa Atsile.

Za Pereko

Masisi ke mmamatoto, ye e ityutyela tyiho shekoleng sha Accountancy Training Centre of the Debswana Diamond Company gko ye e tshola gkayo boloko jwa Accountancy Training Centre of the Debswana Diamond Company. Go simologa gka 2001 go ya go 2004 a ya go jweleja rityutyo jagwe unibesithing ya De Montfort England, gko ye e aloga gkayo gka MBA Degree. Gka 2019 mogomagari wa ga tyautyona Neo Masisi a newa maemo a Fellow Chartered Management Accountant ke tyautyona ya CIMA Rre Steven Swientozielskyj mo Gaborone. Gka 2004 a ya go berekela itu kgolo ya UN toropong ya New York a be e ya United Nations Economic Commission for Africa , Addis Ababa. Ya a berekela gatshi UN Central African Republic.

Gka 2017 Masisi a boyela toropong ya New York go ya go bereka mo Umoja,kompone ya software system ye e rihisiwa go rulaganya rikiho ye e rihisiwa ke maloko a United Nations lehatshe gka bophara.

Ye e lesha Kiho UN gka 2019 ha mogagwe e nna tyautyona wa lehatshe la Botswana.

Kiho yagwe jwaagka mmatyautyona ke go tjena meleto. Jwaagka e le Mmatyautyona masisi o remelye tyaatya mo rikgannyeng ye ri ama baghwana le kgolo yabo, le go nonotsa basari kana bo mme. Gka 2018 ke ha e ribolola Eseng Mo Ngwaneng, letsholo la UNICEF le le eme kgathanong le go rihisiwa bothaswa mo thakanelo rigkobong le kgokgontsho.