Wp/xkv/Mwampule Masule

Mwampule Masule (o belegwe gka Phatwe a le leshome le bone gka 1991) ke motshamiki wa kgwele ya rinoyo ya mari^[1], yo ya shenena shethopha sha sechaba sha Botswana e le mochwara rino mbe hombe jwa e ikemeye gka nosi. Labohelo e shenena bithopha za Botswana Premier League ke ha a le Orapa United.

Mwampule ye e simolola kiho yagwe Devision One Side e shenena Ferry Wanderers gka 2007 pele ga e ya Kazungula Young Fighters shetha she she latyelago. Gka bonako heri ha a sena go nna le retyumalano le shethopha sha Botswana Premier League, Township Rollers , ke ha e ba khwisa go hanya gaberi^[2]. Masule ya rula ringwaga re le boherabongwele shethopha sha mo Gaborone, ya ba henya liki ga supa, FA Cup gameyengwe, Mascom Top 8 Cup gaberi. Ke ha e tjena mo rityumalanong le shethopha sha Aforika Borwa, Chippa United hagare ga shetha sha 2018-2019 mbe a gololwa pele ga e weseja rikgweri ri le rithyatyaro a ise a ba a shene motshameko le haele o le mongwe^[3]. Masule ke ha e boyela Botswana Premier League le Orapa United mbe a boya gatshi a gololwa. Go simologa mhong a be e thogka shethopha.^[4]

Kiho yagwe ya mahatshe

Masule ye e pekiwa mo shethopheng sha sechaba e le lantha ke Peter Butler mo motshamekong wa botsala le South Sudan wo Botswana ya ya ya o henya gka 3-0 gka kgweri ya Mopito e thola gathano gka 2014.