Wp/xkv/Dorcas Makgato-Malesu

Dorcas Makgato ye e beleshelwa Serowe, mo Botswana mbe o goleye mo toropo Kgolo Gaborone. Ya bereka e le minisetara mo khabineteng ya Botswana. Ye e le mongwe wa banana mba ye be derelela tyautyona wa ntha gka ngwaga wa 1976 ha go ipelelwa ringwaga re le leshome Botswana a ntse a ipusa. Go simologa gka 2019 Magetho o bereka e le moemeri wa Botswana Austerelia

Thyutyego

Ye e tjena shekole unibesithing ya Sheffied gko ya aloga gkayo gka retyutyo ja BSc Hons in General Management in Catering Systems.

Ja mbereko

Makgato ye e le moekeleripele wa Botswana Export and Development and Investment Authority go jwa mongwageng wa 2007 go ya ngwageng wa 2009 gko ya ya hetya a lemoga bekgoreletsi mo go ja peelejo mbe a borisana le goromente go rihagaja riphetyogo go baakanya sheemo, go akareja le go kopakopana le baanelwa bagolo le maphatya uwa a ikemeye gka bonosi. Ye e rihisa maemo agwe a bo CEO go baakanya maemo mo kihong le go baakanya gkaho go berekwa gkaho mbe she sha riha gore kompone e meletswe makhe ke mahatshe mangwe a Aforika.

Pele ga e ya go bereka laphatya la peelejo, Makgato ye e bereka Barloworld Limited e le moekeleri pele wa rikihelo ja kgwebo magareng ga ngwaga wa 2001 go ya go 2007 ebile gape ye e le motsamaisimogolo wa Nashua franchise e hilwe maikarabelo a go lomaganya rekihelo go gorisa kihagajo ya kompone. Labohelo, pele ga ya go bereka Barloworld, ye e le moekeleripele wa ja papari le metsweri ya bagthyo Air Botswana.

Maikemogelo agwe ya a mogkwisa tyaatya mo tyihong yagwe minisetereng wa papari le marihelo. Nngwe ya rigyabelo pele jagwe ye e le go lwela go bona Botswana e kgathisa go gka riha rikgwebo le mahatshe. Ye a rihisa maemo agwe go legka go bona Botswana e na le marihelo uwa a itsetsepeego le khegkiso. Ha e simolola go bereka e le minisitaragka 2010, ya ya a thyatyahaja botsalano jwa Botswana le mahatshe uwa a mabapi mo borwa le bothaba jwa Aforika, gkaho a ntse a legka go tokahaja boitshupo jwa Botswana mo marihelong a riteemane le lehatshe gka bophara. Ye e le minsitara ja bozogo ebile gape ke minisitara wa pele wa ja papari le marihelo gka 2014.