Wp/wsg/रस्किन बाॅण्ड

रस्किन बॉण्ड (पुटमाळ 19 मई 1934) इंग्रेजी लम्बेज ता उंदी सिरडी अगाजियाल भारतीये लयकियाल मन्दोर। ओनोर पुटमाळ 19 मई 1934 तुन हिमाचल प्रदेश ता कसौली कोयाटी ते आसी मत्तोर ओना दाऊ रॉयल फ़ोर्स ते मत्तोर बसके ओर नालुंग सावरिंग ता मत्तोर, असके ओना दाई दाऊ ता तलाक आसी मत्ता । तान पज्जा ताना याल उंदी हिन्दू मान्याल संगने मळमी किसी येतु। रस्किन बॉन्ड तोर चुडूरपण जामनगर, शिमला ते खर्चितुर। सावरी 1944 ते दाऊ नोर गक्काने सायनाके अटक देहरादून ते तन्वा आजी न संगने मन्जी लागतुंग ओना जीवचित्रा "रस्टी उन्हे / अन्हि अंकल केन" नेंड ता छव्वा लमचार कूकनेटाल चोकोटार जिवचित्रा मानेमायसी हन्तांग ।

ओर इन्गावेरी सय्युंग नर्क (500) सिन वेल्ले वेसोळींग, इलबोन्द, हेतमाळींग उन्हे कल्पाळींग लयकसी मन्दांग, बवेनांग सिन वेल्लाते काण्डीर्क/छव्वान्ग लासी आन्दुंग उन्हे हादु नेन्डे वेल्ले वाचसी हन्तांग रस्किन बॉन्ड ता वेल्ले वेसोळींग पोरो सिनेमांग बनेमासीतुंग। 1999 ते भारत सरकार ओर /होर लमचार ता ठाना ते ओना जोगदान लासी 'पद्म श्री' ताल सेवामानेकिताल किसी हत्ता। रण्ड नुरून्गार पन्नालू (2014) ते ओर पद्म भूषण ताल सेवामानेकिताल किसी हत्ता । "अवर ट्रीज स्टील ग्रो इन देहरा' न लासी लमचार अकादमी इनाम पुटतु ।।