Wp/wls/Vincent van Gogh

Ko Vincent Willem van Gogh (30 Malesio 1853 - 29 Sulio 1890) ne'e ko he tagata fai pena o Holani ne'e iloa mo ma'uhiga i te hisitolia o te faiva fai pena i Eulopa, logo lā ne'e mole logona tana gaue i te temi o tona ma'uli. Lolotoga ta'u e 10, ne'e ina fa'u koloa faiva e 2 100 o kau ki ai pāki pena lolo e 860 ne'e ina tufuga'i i te 'u ta'u faka'osi e lua o tona ma'uli. Ko te fa'ahiga me'a ne'e ina pena ne'e kehekehe mai te 'u kogafenua, te 'u koloa ki te 'u fofoga o te haha'i. Ne'e ina faka'aoga tāfito te 'u lanu mālama pea ne'e ko tana fa'ahiga fai pena ne'e vave, 'iloga mo malave, ko te 'uhiga tāfito aia o te temi ae o te faiva fo'ou. Ne'e ko van Gogh ne'e ma'uli masiva, mahaki 'ulu mo lotomamahi o fakamate i tona ta'u 37.