Wp/wls/Tony Falelavaki
Ko Tony FALELAVAKI ne'e tupu i te 'aho 21 o Novepeli 1985 i 'Uvea mo Futuna pea e iloina i te mālamanei tupu ko tana faiva faigao'i lī savelo mo lī me'a mamafa.
Ne'e kamata ako e Tony tana faigao'i i Kafika mo Lutoviko HALAGAHU, Pelenato LAKALAKA mo Franck FOUCAT. Pea ne'e ina fakafofoga ia Falani i te Fakahaoga faigao'i fakamālamanei a te kaiga māimoa i Beijing (Siaina) i te ta'u 2008. Ne'e tu'ulaga tolu lua i te Fakahaoga faigao'i fakamālamanei a te kaiga māimoa i Lonitoni (Pilitania) i te ta'u 2012 i te lī savelo o toe mu'a ai i Eulopa kātoa.
Ne'e toe kau Tony i te Fakahaoga faigao'i fakamālamanei F44 i Lyon (Falani) i te 2013 o mu'a sika ai tana fai lī savelo. Ne'e ko Tony FALELAVAKI leva ne'e ina avahi te Fakahaoga faigao'i fakapasifika ne'e hoko i 'Uvea nei i Sepetepeli 2013.