Wp/wls/Sokolate

Ko Sokolate (lea fakakeleka: Σωκράτης; 470–399 ape ia mu'a o Kilisito) ne'e ko he tagata keleka fai filosofia mai Ateni pea ne'e ko ia ne'e ina laga te filosofia 'eulopa. Ne'e kau i te kau tataga filosofia ne'e 'uluaki fakakaukau ki te ma'uhiga o te gaue i te fakatotonu. Ne'e ma'uli fakalogologo Sokalate pea ne'e mole pe lā fai hana tohi. Ne'e hoki fakamatala i tana kua puli ana 'akonaki e tanā kau tisipulo tāfito ia Palato mo Senofone. Ne'e fakaliliu pepa tana 'u palalau o hage ko he fai fehu'i mo tali a Sokalate mo ana kau tagata, o fakahigoa ki ai te fa'ahiga fai tohi aia ko he fai palalau fakasokalate. Ne'e kehekehe te 'u fakamatala ne'e fai ki te 'u palalau a Sokalate, o faigata'a te mahino kai. Ko ia aia e kua toe to'o pe i te 'aho kua liliu he koga ko he faigata'a fakasokalate mo ka mole kei ilo'i pe ko ai ae e tonu. Ko Sokalate ne'e ko he tagata ne'e fakatupu fihi i tona temi i Ateni. I te ta'u 399 ia mu'a o Kilisito, ne'e valoki tana ma'uli agahala mo fakakovi tupulaga. Ne'e 'aho tahi pe tana fakamau'i pea fakatu'a ke matehi. Ne'e faka'osi tona ma'uli i te fale pilisoni pea fakafisi ki hona fakahola o mate ai.