Wp/wls/Pitakola

Ko Pitakola mai Samosi (lea fakakeleka āfea: Πυθαγόρας ὁ Σάμιος, liliu fakaloma: Pythagóras ho Sámios, ko 'Pitakola te Samosi', pe ko Πυθαγόρας; Πυθαγόρης i te lea fakakeleka ioania; mai te 570 ki te 495ia mu'a o Kilisito) ne'e ko he tagata keleka ionia āfea ne'e fai filosofia pea ne'e fakahigoa ki ai te manatu pitakola. Ne'e ko ana akonaki fakapolitike mo fakalotu ne'e logona i Heleni kātoa pea ne'e ma'uhiga ki te fai filosofia a Palato, Alisitote o hoko mai ki Eulopa kātoa. Ne'e ilo'i te 'alu'aga o tana ma'uli mai te talatuku tāfito. Ne'e ko te foha o Menesakusi, ne'e ko he tagata togi maka gigila o te motu o Samosi. E mahino mai ne'e fai folau ia Pitakole ki Kolotone i Italia saute pea ne'e ina laga ai he fale ako ne'e ma'uli fakatahi ai ana tisipulo i te fakafufū mo te masiva. Ne'e lahi te 'u tapu o te ako o hage ko te te tapu pe fakasi'isi'i o te kai kano'imanu.