Wp/wls/Keleto Lakalaka

Ne'e tupu Keleto Filimailoto LAKALAKA i te ta'u 1935 i Mu'a. Ne'e fakahoko tana 'ako i Niu Kaletonia pea ne'e ko te 'uluaki 'uvea ne'e ma'u tana pepa seletifika i te fale ako o Sainte Marie i Paita.

Ne'e 'ohoana Keleto mo Sesilia MOLEANA o ma'u ai anā fānau e toko 5: toko 4 tagata pea toko 1 fafine.

Ne'e ko he tagata ne'e kau i te laga fenua mai te ma'uli fakapolitike ki te fakafenua mo te pule'aga. Ne'e ina ma'uli tonu te liliu a 'Uvea mo Futuna o telituale falani he ne'e fakahoko lea i te 'u tālaga ma'uhiga a te kau 'aliki. te kōvana, te loto mo te pule'aga falani.

Ne'e hū i te 'uluaki fono fakatelituale o te 1962 i tona ta'u 26 mo tana fa'etagata ko Pelenato Pulufegu Ma'alamalu FULUHEA. Ne'e ta'u 30 te nofo a Keleto i te falefono o tu'a 2 tana pelesitā i te ta'u 1987 mo te ta'u 1996. Ne'e toe kau Keleto lolotoga ta'u e 10 i te fono fakakōvana. Ne'e gaue ta'u 22 i te pule'aga o fakahoko lea i te fale fai fakamau.

Ne'e toe fua kavega Keleto i te ma'uli fakafenua he ne'e nofo mo te tu'ulaga o Tu'i Uvea, pule kolo o Te'esi, lolotoga ta'u e 22.

Ne'e maliu leva Keleto i tona ta'u 77 i te aho 27 o Oketopeli 2012.