Wp/wls/Kalala Matakumate Heafala

Kalala Matakumate HEAFALA

Ne'e ko he fafine ma'uhiga o te ma'uli fakafenua o 'Uvea nei. Ne'e lahi tana tokoni tāfito ki tona ohoana ia Tomasi KULIMOETOKE lolotoga te 'u ta'u ne'e pule kolo ai i Ha'afuasia pea mo te temi ae ne'e Kalae Kivalu o hoko mai leva ki tona fakanofo i te tu'ulaga fakahau i te 1959.

Ne'e taki e Kalala te laka ae ne'e fai i te aho 18 o Novepeli 1974 mai Sagato Soane ki Havelu. Ne'e kau ai te kau 'aliki o 'Uvea (gata pe ko Lavelua) pea mo kaiga e toko 500 ape. Ne'e ko te laka ne'e fai tupu ko te ma'uli totogi kovi o te temi aia o nātou hake ki Havelu o nātou fakahā tanātou loto hoha ki te pule'aga.

Ne'e fakamulimuli pea to'o te tonu o te pule'aga falani ke fakamavae te kōvana o te temi aia, ia Jacques de Agostini pea mo fakahifo mo te 'u totogi o te 'u fale koloa pea mo te sitima.

Ne'e tauhi lotu lelei Kalala pea ne'e ina taupau te 'u aga fakafenua faka'āfea o 'Uvea. Lolotoga tona ma'uli, ne'e lahi te 'u tokoni ne'e ina fai ki te 'afio o Lavelua Tomasi Kulimoetoke.

Ne'e mavae mo tātou ia Kalala i te 'aho 7 o Sanualio 1987 pea ne'e putu te fenua o māpunu te atu matani gaue i te 'aho 8 o Sanualio i 'Uvea kātoa.