Wp/wls/Jean-Luc David
Ko Jean-Luc David (1959-2019), ne'e ko te pule o te nusipepa āfea o 'Uvea mo Futuna, "Te Fenua Fo'ou" mai te ta'u 1995 ki te ta'u 2000.
Ne'e 'uluaki laga mu'a te gaue o te fai nusipepa i 'Uvea nei e Jean-Luc Pradaud aki "Te Fenua" i te 'u ta'u 1992 mo 1993. Pea 'osi pea tau mai leva ia Jean-Luc David mai Tahisi mo Michel Martin mai Niumea i te ta'u 1995 o toe hoko te gaue aki he nusipepa fo'ou ko "Te Fenua Fo'ou" (TFF):
Ne'e pule ia ''Luka'' i te nusipepa lolotoga ta'u e 5 pea ne'e ina ma'u tonu mo fakamatala i te TFF te supileo o Lano mo Sofala, te ta'u 40 o te hau a Lavelua Tomasi, te ta'u fo'ou 2000 pea mo 'ihi atu 'aho lalahi o totātou telituale.
Ne'e mavae ia Luka ki Niumea i te ta'u 2000 pea fetogi e Michel Bodineau o kaku ki te ta'u 2002. Ne'e nofo ia Luka i Koné o ina toe hoko atu i ai tana gaue tufalogo. Pea osi pea liliu leva ki Falani pea toe hoko atu tana fai folau vakalā ki Amelika Latina mo tona hoa.
Ne'e mate tu'utāmaki ia Luka i te 'aho 4 o Novepeli 2019 i tona ta'u 60 i Panama.
Matapuna
[edit | edit source]- Televisio o 'Uvea mo Futuna: Te Fenua Fo'ou (1995)