Wp/wls/Inuvai

Fenua e fakahoko ai te inuvai

E higoa ko te inuvai te 'agafakafenua ae ko te sipi o te mo'i kili e ina kofu'i te 'ulu o te pili a te haha'i tagata.

Lolotoga te temi mālо̄lо̄ o te 'ako i 'Uvea mo Futuna mo Niu Kaletonia, e fakahoko e 'ihi fānau tagata o te lanu 'uvea mo futuna, te faito'o fakaāfea aeni ko te inuvai. Ne'e tali feinei e toketa Soane Papilio ki te fakafehu'i ne'e fai ki ai o 'uhiga mo te toka i te 'aho 21 o Malesio 2005:

"Kote manatu e avatu, kotaku manatu tokotahi.Eau mahalo ne'e fai te inu vai ete 'u kui, kohe me'a mo faka ma'a ote sino, toe teuteu foki ke kehe age he talitali ote matala ote sino ote fafine e feala ke ha'ele mai, pea eau toe manatu foki kohe teteu, kua ulu kite aga'ifenua o hage pe kote 'u fenua ae e fai ai te inuvai: tekau Sutea, te kau Alape, te kau Savane feia pe kite kau Polinesia o te Pasifika. Kia au, e tonu ke taofi te aga'ifenua aia. Ko te ta'u lelei kite faka inuvai e tonu ke 'aua na'a tuai fau, mai te ta'u 13 kite ta'u 16. Kote manatu aeni e avatu, e mole puli ai foki haku faka'ap'apa kite kaiga o tātou e mole manatu tahi mo au kae toe feia foki kihe kaiga e lanu kehe. Ko te tama toketa e ma gaue faka tahi ko te tama falani, ema fai foki te inuvai kite haha'i o tātou, kae he'eki inu vai pe foki laia, ena uimai e fiafia feia peia."

E faka'inuvai te tamaliki tagata i 'Uvea i te fale mahaki o Sia pea toe omai ki ai mo te fānau ae mai Futuna. I Niu Kaletonia, e fai pe i te 'u fale mahaki pe hoko fai pe e 'ihi fāmili i tu'a.

Hili te 'u 'aho takoto a te fānau i fale pea hoko leva te 'aho ma'anu tai pea fai mo he tufa me'a kai mo ni fakafiafia i te loto fale.

E hoko te fai ma'anu tai a te tamasi'i ne'e faito'o lolotoga vaha'a e lua pe tolu o fakalogo pe ki tona kua lelei.

'Osi te inuvai pea e 'ui leva mole kei tamasi'i kae kua tagata te fānau.

Matapuna

• Biggs, Bruce: ''Circumcision - Wallis and Futuna Islands'', 1972: https://web.archive.org/web/20220717000807/https://digitool.auckland.ac.nz/dtl_publish/1/450274.html
• Chave-Dartoen, Sophie: ''Royauté, chefferie et monde socio-cosmique à Wallis ('Uvea)'', Glossaire: Inuvai [online]. Marseille: pacific-credo Publications, 2017 (generated 17 juillet 2022). Available on the Internet: <http://books.openedition.org/pacific/555>. ISBN: 9782956398172. DOI: https://doi.org/10.4000/books.pacific.555.
• Wallis et Futuna la 1ère: ''Futuna, du curcuma pour les circoncis'', 1er février 2014, https://la1ere.francetvinfo.fr/nouvellecaledonie/2014/01/31/futuna-du-curcuma-pour-les-circoncis-109655.html