Jump to content

Wp/wls/Iliate

From Wikimedia Incubator
< Wp‎ | wls
Wp > wls > Iliate

Ko te Iliate (lea fakakeleka: Ἰλιάς, lea fakaloma: Iliás, lea fakakeleka atika: [iː.li.ás]) e toe iloa i tana higoa ae ko te Hiva o Ilione pea ko te tohi keleka āfea osi ne'e tuku holo mai ki te 'aho nei. Ne'e ko he vikiviki ne'e mole tohi he ne'e ilo'i faka'atamai e te haha'i i te temi mu'a. Ne'e hoki fakatu'u tohi i te sēkulo 8 ia mu'a o Kilisito. Ko he vikiviki e loaloaga osi aki ana kāpite e 24. E fakamatala ai te 'u 'uluaki fāgana mo talatuku fakakeleka. E mahino mai te tohi ne'e fakamatala ai te maumau'i o te kolo o Toloi i te Temi Kapa. E 'ui e te tokolahi ne'e tohi e Homele te Iliate kae mole he'eki ilo'i papau pe ne'e ko te tokotahi pe ne'e ina tohi.

Atua fafine, hiva mai te 'ita a Akila, foha o Pele, 'ita kovi ae ne'e tupu ai te mate a te tokolahi i Akea, pea fakahifo ki te Pulotu laumālie o to'a e fia, o liu kai ai anātou 'u sino e kuli mo manulele; o hoko ai te finegalo o Seuse, hili te tokakovi ai te foha o Ateleuse, hau a te kau tagata mo Akila tuputupua.