Wp/wls/Fetu'u 'Aho

From Wikimedia Incubator
< Wp‎ | wls
Wp > wls > Fetu'u 'Aho

Ne'e ko te "Fetu'u 'Aho" ne'e ko te 'uluaki nusipepa faka'uvea mo fakafutuna 'aia o totātou 'u haha'i e ma'uli i Niu Kaletonia.

Ne'e ko hē gaue ma'uhiga ne'e tulikaki e Kalepo MULIAVA mo te kautahi ne'e ina laga mo TAKATAI mo TAUTU'U.

Ne'e ko te 'uluaki nūmelo o te Fetu'u 'Aho ne'e fakatau i te 'aho 23 o Sunio 1973 i Niumea pea ne'e toho tu'a 2000. Ne'e fakakaukau ke fa'u he nūmelo fo'ou i te māhina fuli pe mo ka 'osi māhina e lua.

Ne'e ma'u ai logo o 'Uvea mo Futuna, o totātou 'u kaiga e ma'uli i Niu Kaletonia mo fai ai mo ni 'ihi talamanatu o hage ko te pāsina ae e asi mai i te pāki aeni: "Loi Mo'oni".

Ne'e ko hē fakakaukau ma'uhiga mo 'aoga ki te haha'i 'uvea mo futuna ne'e ma'uli i te temi 'aia i Niu Kaletonia.

Ne'e muli ki te "Fetu'u 'Aho" he tahi nusipepa ne'e laga e Kalepo MULIAVA ko te "Mālamanei" i te ta'u 1978 o ina fakaha'ele'i o kaku ki te ta'u 1981.

E mahino mai ne'e lagi ai mo 'ihi atu nusipepa ne'e toe fa'u i Niu Kaletonia e totātou 'u haha'i o hage ko te Ofaina Journal i te ta'u 2015 i Païta kae mole kātoā tona ma'u atu.