Wp/wls/Bosco Manukula

Pātele Bosco MANUKULA (1954-2015)

Ne'e tupu pātele Bosco i Mu'a i te 'aho 21 o Sānualio 1954 pea ne'e folau ki Niu Kaletonia i tona ta'u 2 mo anā mātu'a ko Lusia mo Sioli he ne'e omai o gāue i Tiebaghi. I te temi ako o pātele Bosco, ne'e ma'u tona pakalolea i te vaega ako fakasienesia i te lisē Blaise Pascal o Niumea pea 'alu leva o sōlia i te 1976.

Ne'e ko he faka'amu a pātele Bosco i tona temi tupulaga ke 'alu sōlia pea gāue ai kae ko te filifili a te Atua ne'e ina logo'i leva i te temi aia, ko ia ne'e sēminalio leva i Fisi pea toe liliu mai leva o fakanofo pātele i te 'aho 3 o Tesepeli 1983 i te ekelesia aeni o Kosopesio. Pea vahe'i leva ki Pouebo.

Lolotoga si'i gaue faka'apositolo a pātele Bosco ne'e ina faiga'i siana ako fakateolosia ko ia ne'e folau leva ki Falani ki te kolo ko Lyon o fakahoko ai tana ako ma'oluga.

Toe liliu mai ki Kaletonia pea vahe'i leva ki Bourail ke gāue ai. I te 2002, ne'e toe folau ai pātele ki Kanata ki te kolo ko Quebec o fai tana sivi pea liliu mai leva i te 2006 o ma'uli i La Foa o tokaga leva ki te 'u kolo o te palōkia aia.

Ne'e mavae mo tātou ia pātele Bosco i te 'aho 4 o Sepetepeli 2015 i Niumea i tona ta'u 61.