Wp/wls/'Aho fakatelituale

Ko te 'Aho fakatelituale ko he 'aho fakapule'aga o te Telituale o 'Uvea mo Futuna e fakamanatu i te ta'u fuli i te 'aho 29 o Sulio.

Hisitolia

Ne'e ko he 'aho fakapule'aga ne'e fakatu'u e Clovis Logologofolau, pelesita o te Falefono fakatelituale (1990-1992).

Ne'e fia fakama'uhiga kehe e Clovis Logologofolau te 'aho ae ne'e fakatu'u ai te telituale o 'Uvea mo Futuna.

Ne'e gaue tahi Clovis, Mika Tauhavili, pelesita o te fono tu'uma'u mo Jean-Michel Brunet, 'uluaki VAT a te Falefono ki te fakalaka ki mu'a o te 'u gaue a te kau fono.

Ne'e ko te faka'amu i te temi aia ke fakamalohi'i te taki a te fono mo gaue ki te lagafenua o te telituale.

Ne'e fakamanatu te 'uluaki 'aho fakatelituale i te 'aho 29 0 Sulio 1991 aki he laka fakafiafia a te tamaliki ako i Sagato Soane mo te 'uluaki fakahaoga faiva TOP pea toho pepa mo he tohi pāki ne'e fai e te falefono mo Philippe Giraud (Delroisse, Kanata).

Talu te 1991, kua liliu te 'aho 29 o Sulio ko he 'aho fakapule'aga pea mole gaue ai te kaiga i 'Uvea mo Futuna.

Fakafiafia

E hoko te 'u fakafiafia i 'Uvea pea i Futuna i te ta'u fuli. E māhani mai e fenei tona faka'alu'alu i 'Uvea:

• Misa i te ekelesia faka'epikopo
• Toho fuka
• Lea a te kōvana, te pelesita o te falefono mo te potu faka'aliki
• Hiva fakapule'aga a te 'u fānau ako (La Marseillaise mo Tofa Lavelua)
• To'oto'oga fakafenua o te kava
• Kātoaga
• Laka
• Me'e
• Gao'i fakafenua
• Fakatētē
• Tau'a'alo
• Fakahaoga hiva o te Top
• Fakahāhā pāki
• Fakahāhā sitapa

I tu'a pule'aga

E toe fakamanatu te 'aho fakatelituale i Niu Kaletonia mo Falani e te haha'i 'uvea mo futuna e ma'uli ai.

Pāki

• 
• 
  Kava 1996
• 
  Ha'afuasia 1996
• 
  Tau'a'alo
• 
• 
• 
• 
•