Wp/vmw/etistiriitu ya Wankooniya Oteete

Etistiriitu ya Wankooniya, Oteete

Etistiriitu ya Wankooniya

wankooniya ti etistiriitu erinoto wa epuruviisiya ya Oteete Omosampiikhi, eseeti aya epooma yamukhaani ya Ulookwe. Yokhalana mikano saya ota ni Ota mpantte opwattuwa nsuwa no Omalawi, moono okela nsuwa ni etistiriitu ya Omakaanka ni othi ni othi omkela nsuwa ni etistiriitu ya Otsankaano.

Ntoko mwaarepele a eyaakha ya 1997, etistiriitu yaarina ikooto imiya 247 999 apinatamu ni muttetthe a ikooto 3437 ikhilomu², mwivaavo yanooniherya mwaatelo apinaatamu yaakhala a 72,2 khuta ekhilomu ². Apinaatamu a etistiriitu ela, asuweliwa ni nsina na Nkuuni, ntaava paatu niilattana ni mataava a ilapo ni a itistiriitu sowaattamana , ntooko ntaava ceewa, ni nyaaca nna nookhiserya nilavuliwa Osaapiya ni omosampiikhi vakhaani ni Omalawi, mulattu voolatanexa nttaava nkooni nnoniherya aya , nale manle aromolya ahu osulu wu, acene anitakaherya sa wala ninaavirikanyiha ale ari anamarumeela wala axineene ntaava ceewa, mwaha ohisuwela mavirikanelo aya. Makawanyeereyo muttethe a etistiriitu ela okawanyeya mipaatte wala ipoosto piili(Otoomwe ni Owulookwe),siniirela mpantte ipoosto sintharelana: Opoosto ya Otoomwe : Opiika Okhottontto Okhapwesa Oxifuunsi Otoomwe Okhoope Oliraanka Ophattula omtwaala Onkhame Oseese Epoosto ya Owulookwe: Munisiipiyu wa Owulookwe

Oximwaa Otsankwa Okaloomwe Omankaane Omweekera Onamikaoonya Niwehe to wi eyaakha ya 2008 epooma yamukaani ya Owulookwe ehunuheriwa khukhala munisiipiyu.

Muruweeryo Muhakhu a etistiriitu onthikithereya muhina mwa miteko soolima mulattu wa ethaya yoreera oruweerya. Ipwo siruwerexiwa , soona, nxoote, kharaka reeno ni namuruwa mateeka.