Wp/vmw/Peresitnte
==Mukhalelo a Nfaluma==
Mukhalelo awe
Filipe Jacinto Nyusi
owariwe mahiku yeettaka 9 Nweeri anenli eyaakha 1959, Onamuwa, etistiriitu ya Omuweeta, Epuruvinsiya ya okaapu-Telekaato[1]. Mwaana a Jacinto Nyusi Chimela no Angelina Daima, anamalima,avirannse etuniya[2]. Okhuma 1976 ni 1980, Oheetta Exikola Sekuntaariya ya FRELIMO, Omariri, epuruvinsiya ya okaapu telekaato, weiiwo omaliha esiikulu yoopacerya wa ensiinu sekuntaariyu[3]. Mwaakha wa 1982, omaliha sekuntu siikulu, Exikola Sekuntaariya Samora Machel, Epooma ya Opeeira, Epuruvínsiya ya Osofaala[4].
Mwaakha wa 1990, Omweettela kuursu a Enxinyero ya omakaaniku, mwa Wakatemiya Amatoropa – VAAZ wa Brno, Erepuplika Ya Ooxeeka, weiiyo awarihiyaawe etiitulo ya mestere a enxinyero no khivahiwa ntthitthimiho mwa emesau ya ntthitthimiho[5] Mwaakha wa 1992, Filipe Nyusi opacenryaaye ekareraa awe ta muteku mwa empereesa sa Ipoortu ni Iphiro sa xipooro sa Omosampiiki mwa Wamphula[6]. Variyari vá iyaakha 1992 ni 1993 aari namuteko ni asistente exeephi a muteko wa ofiisina xeraale[7]. Okhuma eyaakha ya 1993 a 1995 avara ekhulupale ya itiretoore Feroviariu; Okhuma 1995 a 2007 Tiretoore Esekutiivu o CFM-Onoorti[8]. Mwaakha 1999 ompaka Pos-kratuasau, a xestau Seniyore mwa Universitaate Vitooriya, o Manchester, Oreinu Uniitu[9].
Mwaakha wa 2003, mwa Intiya Institutu wa Manacement (IMM), o Amadpat, ya kuxarat, o Wintiya, ole osertifikariwa mwa Osomiha exestau[10]. Akuursu akina no estaaxiyu profisionaale, yookatthi vakhaani, Osuwasilantiya, Wafirika o Suli ni wa istatu uniitu wa Ameerika. Miyaakha sa 2002 a 2008, aari mwiixutthihi, a rexiime okatthi parsiwaale, mwa Universitate Petakoxika Ya Wamphula, O Tepartamento ya Matematika wala [11].
Voomphiyerya iyaakha thaaru, aari mempuru o Nukeleyu na Osoomwa wuulupale ya Asiyensiya no itekonoloxia , epuruvinsiya Ya Wamphula[12]. Akhuma 2007 a 2008 ohoolela Miteko sa Atministrator Exekutiivu a Empereesa Ipoortu ni Iphiro Xipooro ya Epooma ya Omaputu, no epelouru ya expolorasau Emperesariaale. Mwaakha 2008 onomeyariwa Miniisturu a Defeesa Nasionaale[13]. Miyaakha sa1995 a 2005, Filipe Jacinto Nyusi aari Presitente o kulupi Feroviariyu a Wamphula[14].
Mwaakha a 2004, Filipe Nyusi ahikuxa o Ekulupi ya Feroviyariyu o Wamphula a okhalana etiitulo ya kapiau nasionaale Omosampiiki[15].
1973, Filipe Jacinto Nyusi, orineene iyaakha 14 , otthuphela mufiileerani mwa Referente y Lipertasau ta Mosampiikhi mweekunyani onriwa (FRELIMO), ahipaka wiitthokiha wawe mwa esenturu ya preparasau Politiku yaatoropa esenturuya Onaxinkweeya Otansaniya[16].
Nntoko namatthikela ohiira mpantta ya Nikhuru yaakhalenle onamoona anaxiikolaa ocenturu Etukasionaale ya Othunthuru, wi waphanelelihe eseremooniyaya olaleiwa wa Otaphuwa ya intepintensiya nasioonaale, mahiku yeettaka 25 ya Juunyu 1975,Ostatiyu Nasioonaale ya Omaxava, Omaputu,eporokalamariwe ni Peresitente Otthtthiheyaxa Samira Moisés Machel[17]. Filipe Nyusi ti mempuru asosiyasau aatthu ayaneele ekhotto wa elipertasau Nasioonaale.Aari mempuru a ekomite ya Wamphula ; Nyusi ti mempuru a limite seteraale, othanliwa ni 10 konkereesu, 2012[18]. Mwaakha a 2014, kamaraata Filipe Jacinto Nyusi ootthanliwa o III Sesau ortinaariya ya okomite seteraale, kantitaato a Fereliimo a Operesitente ya Repuplika ya Omosampiikhi[19]. Mwaakha da 2014 othanliwa Peresitente a Erepupilika ya Omosampiikhi. Filipe Jacinto Nyusitiithi anamwane axexe ( 4) , omuthenle maama Isaura Ferrão Nyusi[20]. Ekanyeryo