Wp/vmw/Omwiitumpi

Otistiriitu ya Omwiitumpi

Maayi Omwiitumpi

Omwiitumpi etistiriitu emosa ya epuruvinsiya ya Okaapu-Telekaatu, Omosampiikhi, eseeti aya muttetthe anamawaai a Onakaati weewo ethamiheriwe aya Eseeti eyo wiraneye mweeri wopacerya a eyaakha ya 2015 ekumihiwaka muttetthe anamawaani a Omwampula, Yokhalana mikano saya , ota ni mipantte onkela nsuwa etistiriitu ya Omusimpwa, Ota ni okhuma nsuwa Etestiriitu ya Omuweta, Othi ni etistiriitu Ya Omeluku ni othi okela nsuwa mukano etistiriitu ya Omakomiiya. Mwaattelo apinaatamu Mwaakha wa 2007, mwaarrepele athoonya wi apinaatamu ikonto miloko 72 840. Muttetthe aya a ekonto 1987 ikhilomu², mwaattelo apinaatamu aniphiya 36,66 apinatamu wa khuta ekhilomu² Ntoko ehimwa awe mwarepele a eyaakha ya 1997, etistiriitu ela yahikhalana ikonto miloko 63 820 sapinaatamu , yoniherya mukhalelo a mwaattelo 32,1 athu wa khuta ekhilomu².

Apinaatamu elepwe mwaarrepele okhiserya oniirela mmpantte a muncerereyo a ipursentu sene 14,1% volattanihiwa vapinaatamu ikonto sene miloko 63 820 apinaatamu owalikeliwq ni mwaarrepele a eyaakha ya 1997.

Ehantisi

Etistiriitu ela ethokihiwe mahiku yeettaka aya miloko 25 mweeri wa neethana mosa eyaakha ya1986, voothariheliwa  vothokihiwa ipoosto  vasyasya.  Vakhalayini yaari epoosto ya etistiriitu ya Omuweta.

Makawanyereyo

Etistiriitu enkawanyeya.ipoosto thaaru, (Oxitunta, Omitenta Omwiitumpi ), siniirela mipantte ilokalitaate sintharelana:

Epoosto ya Oxitunta : Oxitunta Ominkeleewa Epoosto ya Omitika: Omitika oOmwattitti Epoosto ya Omwiitumpi: oMaphatte Omwiitumpi Onamakantte Onamphanya