Wp/vmw/Omosimpwa wa Ophareya

Omosimpwa wa Ophareya eviila emosa y´oMosambiki, eproviinsia y´oCabo-Delgado, nikhuru na emunisiipiyu ni edistritu ni nsina nimosaru. Nittetthe naya niwelihinwe mwa mpantta ya evila mahiku yettelaka 8 wa mweri wa Maarsu wa mwakha wa 1959. Emunisipiyu ela yaarina anammuttettheni amphiyerya imiya 65, ntoko enhimyaaya ecensu ya 2017.

Onasusukhi

Mwakha wa 2017, nikhuru nimosa na mawiisilamu ni mpantta ni Daesh, yahuupanyererya epoma ela, khiwiiva atthu yettelaka 17. Muupanyereryo mukina wairenye mahiku yeettelaka 24 wa mweri wa Marsu wa 2020, nave tho muupanyereryo ola aahavaha anamawani ale orumeela wa epomaa ele ahinatthi woomoliwa ni anakhotto. Noomala, ma jihadista yaahirumeela epoma ele ni eportu aya mahikhu yeettelaka 12 wa mweri wa Agostu wa 2020, wa muupanyereryo anatthaaru, okathi ikuuru sa kiverni saahanl´aya woohi mavaka a mooro, nikeelela nattikihiwa.

Mweeri wa Agostu wa 2020, arookori oocelibatu aili a elapo y´oBarazili, yaaxukurya Omosimpwa wa Ophareya waahiiyiwa ni alavilavi yala oWisilamu, atthukweliwa mpakha mahiku 24.

Mahiku yeettelaka 08 wa mweeri wa Agostu wa 2021, nikhuru noowaatana n´oRuwanda ni oMosambiki nahikumaanyerya evila ele, mpakha omaliherya ikuru samakhalelo saawisilamu ale mpakha okathi woovikanerya mwakha mmosa. Soowoneya saaphwanyinwe ni majornalista yaaxukunrye eviila ele okathi yaaxinttinwaaya matthikelo aya yaari onyanyereya woomalela wa sootekiwa, sa musurukhu, wa sooxuttiha, wa ekumi, wa sooholela, wa miteko suulupale ntoko maasi, mooro ni miyaattakelo.