Wp/vmw/Ohileeleya

Ohileeleya

Aari mulopwana aayanre anamwane awe. Anamwane ale yaaniikompela oxaya omwaako, masi awo khiyaaphwanya etthu. Nihiku nikina, awosa yaahirowa tho oxaya omwaako ekwaha ele, awo yaahiireeriwasa eruuha etthu owaani. Atiithi aya anamwane ale yaawenhaaya mwiira anamwane ale yaahireeriwa ni yaahiruuhasa etthu owaani ale yaahivekela otthaana ekwaha ekina. Nihiku nlo, mwaana aahaaleela apaapa awe wiira:

-Paapa, va kinrowa woota miryaakho haka omwaako iwe. Apaapa awe yaahaakhula wiira:

-Miyo olelo nkaano okathi, kinrowa omatta.

Mwaana ole aahirowa woota miraakho hawe. Aahimphwanya mwaamunama ahaakhuuriwa. Ole aanimoova mwaamunama ole. Mwaana ole ariki attahwe, mwaamunama ohiira:

-Murweeke wennyo ni miyo tho kinnipheela othaanya. Mwaana ole oovaka aahirowa omutaphula mwaamunama ole. Mwaamunama aahiira:

-Nrowe mukiyare neetteke.

Ole aahimuyara mwaamunama mphaka owannyawe. Ophiyakaru, apaapa awe yaahitikinihiwa. Ale yaahirowa waanayittoko aya ohimya wiira:

-Mwanihu oontikiniha, omuruuhale mwaamunama oowoopiha.   Atthu ale yaahirowa onweha mwaamunawa ole.

-Veekekhayi toowoopiha. Ale yaahivahiva miruko wiira mwaninyu owo arupa, mukumihe iferemento sootheene ni mwaana owo, masi mmuhiye mwaamunama paahi.

Ohiyu ikumihinweene itthu sootheene, awo yaahipattiha empa ele. Nto, mwaamunama apacerya wiipa:

“Mwaana wewo” 2x

“wiixovere iiwo kinnoovlya” 2x

Mwaamunama aaniixooverya mpaka omana eryawe oonaka wiira mwaana yoole. Empa ele yaahoovya mpaka olala. Nto, atthu ale yaahimwaala marapo vaavale yaarivo empa ni aahinnuwa iima. Aleeliwa mmiravo ole wiira ohimulye marapo ole. Atthu erowakaru omatta, anamwane akina yaahimwaapeya marapo ole emuruula enarowa yamukuha vanripuni. Mwaana ole aakhottiheriwe, amphwanya amulya marapo ole maana owo aammwaamwelela ni tho khareere ovoliwa. Vahilekenle axitiithi awe yaamphwannye athatunweene mwaamunama yoole oonanara.