Wp/vmw/Namarokolo ni khapa

Namarokolo ni khapa

Aari namarokolo ni nthamwene awe khapa. Nihiku nlo, aavinyasa orowa oxaya mutakhwani. Yaahivarasa inama soowaatta enarowasa owaani ni yaawosa khiyaathenle. Nihiku noottharelana, aattikelasa orowa oxaya mutakhwani ni muttetthe ole yaanikhala atthu. Nto awosa, yaahimoona mwali mmosa oohitheliwa. Aahivinya khapa orowa wuurya, owo aahaakhuleliwa, masi aahiireliwa orowa oteka empa vamwala owo ahiwerya, nto yeemwiiriwa othela muhoottheela.

Nihiku nikina, anarowa namarokolo wuurya. Owo aakhuleliwa, masi iireliwa oteka empa va mwala. Ole oorowa vamwala vale othipa khiwaathipeyavo. Nto, ole oovirela weeywe orowa oxaya iiva enama awe anarooyha owaani. Apiihakaru, ohaanya atata awe ni eemwiira enama ela ekhuuriweke, masi miyo yawaka waaneeliwe muhusyeene kaarwaaka ompani niwe kilye. Atata awe ale yaakhulela ni ole anattikela ampanwawe.

Okathi ottikenlyaawe owaani wiira olye, atata awe tariyaaya: atthepa, muhusi ola khonaaneeleya. Nto namarokolo taakhunlyaawe wiira: vano iwo anhala hayi okiruma miyo oteks empa vamwala, iwo yaatoko otekavo? Ni miyo iwe koomananiha othipavo vamwala vale masi ikatana haka ti haanteya. Nuumala, okhuma okathi yoole anathelihiwa mwali ole.