Wp/vmw/Musewu wa etinokarafia ya oMosampiki

Musewu wa etinokarafia ya oMosampiki

Musewu wa etinokarafia ya oMosampiki, eniphwanyaneya opooma ya Wamphula, musewu ola onooniherya ikaruma sa khalayi ni sa ephattu ya oMosampiki. Musewu ola, mmosa sa iye soowatta ohiniphwanyaneya opooma ya oMaputu, iwe siniphwanyaneya sikina.

Musewu wa etinokarafia ya oMosampiki-Wamphula

Musewu ola, onoonihera ikaruma soowatta, sooniheryaka moota wakhalaahu ni moota onikhala ahu, ni onnoonihera ephattu ya elapo yotheene ya oMosampiki ,masi onitepaxa woonihera iye sa mpantta wa onoorti wa oMosampiki, ntoko akapwiitthi ooxaya, matthavi oomiserya, ikaruma sowiipana, oratta wa amakhontte, ni ikaruma sikina.

Ehantisi ya musewu wa etinokarafia

Musewu wa etinokarafia ya oMosampiki ohuliwe ni axeneraale Craveiro Lopes, yeettelaka mahiku muloko ni neeraru wa mwaakha wa 1956, okathi ole, waayihaniwa musewu komantanti Eugénio Ferreira de Almeida, empa ele, elepeliinwe ni Mário Oliveira.

ohoolo wa musewu wa wamphula

Uupuweleenle musewu ole, aari namasoma a ikaruma sa iphattu Soares Castro, awo oweenrye owuupuweliha amahooleli a muttetthe yoole, wi opakiwe musewu ole nniwehaahu olelo. Khalaayi, musewu ole waari wookawanyiwa, yaahikhala mapuro a ihantisi, mapuro a ikaruma sa khalaayi, mapuro a maluku oorika ophwanya, mapuro yaapwehiwa misurukhu sa khalaayi. Mwaakha wa 1993, mwaakha waahiiwalaya musewu wa etinokarafia paahi.

Referências