Wp/vmw/Mulopwana, Nreyi ni Naawookhwo
Mulopwana, Nreyi ni Naawookhwo[edit | edit source]
Aari mulopwana apakanne onthamwene ni Nreyi ni Nreyi aahaataana tho ni Naawookhwo. Mulopwana ole aahaala ikhutte sawe oxerexere wa omwaako. Ikutte iye saahima orattheene. Naawookhwo ahirowa akilaathi mmatta wa mulopwana ola analya oweexe veexaani. Nto Nreyi aahivinya anarowa wiiya ikutte mmatta mme. Va saamalaayamo ikhutte iye, mwaneene aahixanka mwaha wa ikutte sawe.
Amwaara awe mulopwana ole yaahirowa omatta iwe oroowela ikutte. Ephiyakaru, animphwanya naawookhwo veexani, nto emukohawiira ikutte haka iya naawookho mummaliha? Naawookhwo ole asuwenle wiipurulela veexani. Amuthiyana evinyakaru aronwahula naawookhwo ole, vano ole onapacerya wiipa:
“Muthiyana munkimanelani, munkimanelani?” (2x)
“ Ikutte khayiyeni kinlya”
“Anlya taaneene, taaneene, taaneene awo”
Amuthiyana ale wiila nsuwa yiinaka mmatta ni ammanaka naawookhwo ole, masi ahikhanle naawookhwo taakhuura ikutte iye. Aakhuura aari nthamwene awe Nreyi. Aalopwana enarowa waaweha amwaara aya omatta, ephiyakaeu yaaphwannye athiyana ale ehihaali, wiina.
-Mwaara aka, muniina exeeni mmatta mu? Moolopwana aahaakoha. Ale yaakhula: kinimmana naawookhwo ola onlya ikutte saka mmatta mu. Mulopwana aahiwaattamela. Vano, Naawookhwo aahittikela wiipa. Atthu oowanli anapacerya wiina mphaka oxa.