Wp/vmw/Mukutthaano

Mukutthaano

Naari nikhuru na axinama ntoko namarokolo, etthepo, epaala ni inama sikinaaku. Yeemwiiriwa va nnimpheela mutthu oniira awerye owina mukutthaano ola wookhuma va mmphaka elapo ya waasiya, owo onoottuveliwa vanceene. Vano, namanriya onvara namarokolo mwiila awe iiraka: ti miyo kiniira kiwine mukutthaano ola. Nuuvenya, namanriya ohaalattula axithamwene awe wiira wa khula mmosa a yaawo mmphironi ni mmosa ookiserya eemele okhomoni wa mukutthaano ola. Alesa yiira siisaale. Nto niphiyakaru nihiku na mukutthano, ehoopiwa esiinu. Axinama ale aakolomowa oroxeya. Okathi namarokolo ophiyaawe okhomoni wa mukutthaano, ommphwannye namanriya eemenleene weyiwe. Nto namarokolo ohiira: miyo kiri karamaatthu ophiya. Namanriya ohiira: hooye, ti miyo.

Ethoonyeryo

Ehantisi ela enihimya wiira ophwanya khonttimakeliwa. Eyo ti eyo, mutthu apheela owina ohikhumwe murima.