Wp/vmw/Mukuttaano
Mukuttaano[edit | edit source]
Aari mukunya aarina emattha awe onaaherenke ni tho owo aahikhanano mwalapwa awe. Yoowo tho aahikhalano anamuteko awe muloko. Vano, enakohiwa wiira patarawu okenle woowi?
-Enaakhuliwa wiira patarawu okenle omatta onaaherenke.
Enakohiwa wiira nto mwalapwa?
-Mwalapwa omuttimakenle mukunya, mukunya omuttimakenle mwalapwa, mwalapwa okenle omatta onaaherenke.
-Voo? -Ahh!
Yeemwiiriwa nnaari. Nto enakohiwa atthu akina, wiira: mutthu mmoha okenle woowi?
-Mutthu mmoha khaavo, oronwe omatta omuttimakenle mukunya, mukunya omuttimakenle mwalapwa, mwalapwa okenle omtta onaaherenke.
Atthu annli?
Atthu annli, khaavo, oronwe omatta omuttimakenle mutthu mmoha omuttimakenle mukunya, mukunya omuttimakenle mwalapwa, mwalapwa okenle omtta onaaherenke.
Atthu araru?
Atthu araru, khaavo, oronwe omatta yaattimakenle atthu araru omuttimakenle mukunya, mukunya omuttimakenle mwalapwa, mwalapwa okenle omtta onaaherenke.
Ethoonyero[edit | edit source]
Ehantisi ela enihimya wiira elapo yooweetta, nihinamuruma mwaana, maana owo onnikhalaka oothweelelaka.