Wp/vmw/Exikola ya Masomelo Oopacerya ya Wanakharamaca-oSeeti

Opuro ola oniireliwa waalikela sa Exikola ya Masomelo Oopacerya ya Wanakharamaca-Oseeti:

Emphwanyaneyaaya

Anaxikola khamosa ni khamosa avinre exikola yeela

Exikola ya Masomelo Oopacerya ni Oomalela ya Wanakharamaca-Oseeti, ti exikola emosa amphwanyaneya muttetthe wa Onaphome, otistritu ya Orapali, eprovinsiya ya Wamphula.

Envara miteko saya okhuma ekhalayi ni masomelo oopacerya masi mwaakha a 2002 khincereriwa mpakha masomelo oopacerya ni oomalela.

Mpacerekeene isaala saya saaphwanyaneya oKapela Ekhulupale Santa Rita ya Wanakharamaca, weywo aaholelaawe natiini Pe. Agostinho, aakhuma elapo ya Oportukaale. Masi ohookhwa. Siiso, enatekiwa exikola ya omeekha, opuro mukina, mwaakha wa 1998, ni enatthukuleliwa mwaakha wa 1999 ni mukhulupale akhalayi eprovinsiya ya Wamphula, Rosario Mualeia. Onsomihiwa okhuma ekalaase yoopacerya mpakha thannapiili.

Exikola yeele aavira axitokweene ntoko: Gildo Rosário Máquina, olelo ori namalaleya ihapari oraatiyo aanamunceene Omosampikhi, eprovinsiya ya Wamphula. Nave tho, Momade Alfredo Manuel, ori prusoore Oxikola ya Osoma Woopacerya ni Woomalela ya Onamilala, otistritu ya Omukhupure. Khareere akina asonme exikola yeela ni anvara miteko soovirikana sa opooma nnakhala mapuro makina.

Mapurusoore vakhaani asomin"he, okhuma:

Afonso Muatoquele (aavara muteko woomahoolela); Júlio Chico (mahoolela a nenli); Artur Uareque (purusopre a eliivuru ya ikontha); Alberto Leveque Namacarra (purusoore a eliivuru ya nttaava na ekunya); Carlos Daniel; Francisco Muacanha; João de Castro João; ni akina.