Wp/vmw/Eviinyu ya Ephattu-Otheka

Otheka

Eviinyu ya Ephattu (Otheka)

Otheka eviinyu ya ephattu enipakiwa ni eniwuriwa ni amakhuwa. Eyo enipakiwa ni miropo sa meele wala sa nakhuwo. Okathi ovinre eviinyu ela yaapakiwa ni yaawuriwa olukuluku wa mucampo oorerela ntoko ohakalala wa amusi wala okhuma omasomani wa amwavano wala anamwane. Masi waniinano eviinyu ela enipakiwa wiira etumihiweke.

Otheka onapeiwa sayi?

Maama Elsa Fabiao onikhala Oripawe, eporoovinsia ya wamphula,onnihimya mithinto xeeni onipakiwawe otheka:

yoopacerya aninanihiwa meele vakhaani anaphwehiwa vantthattoni, voorirya, mphaka opacerya omela. amelaka siiso aniphimmwa mahiku eniphaveliwaya owuriwa eviinyu ele, atthupuliwaka vooyeva mahiku mathanna piili, ahinatthi ophiya mahiku oowuriwa. ohoolo waya anitthupuliwa makhaka, nto karakata aya onapeiwa ni maasi aniphiyerya (karakata mahaaseene). Noovira muthinto owo, onihiiwa karakata mahaaseene ni onatakahiwa ni miropo sa meele. Nihiku nikhwaaya eniheliwa iye sootakahiwa ittokotthaka vapheya, nto onahiiwa ovolaka ohiyu wootheene. Nihiku nikhwaaya onitthupuliwa makhaka makina ni enatthikeliwa muthinto yoole. Mikharikari miloko sivinre, sinitakaahiwa iye soowootoweliwa. Nto oxaaka, nihiku noowuriwa, onniviiniwa mureerelo ookhiserya, onitthaniwa otheka

Aphwanyaneyaka wiira otheka ola owaawe saana, alipo oosuwela ala,annileeliha wiira ni olikana otheka, ninooxiwa nivali na oloko, eniruweiwa mukahini orimo otheka, nto onihaniwa (otxivela). Ni anamawurya akina annihimwia wiira otheka owo apakiwa woohireerela wa woohiphwanelela, onniwerenha mmirimani.