Wp/vmw/Etistiriitu ya Oximooyu, Omaanika-Omosampiikhi
Etistiriitu ya Oximooyu, Omaanika-Omosampiikhi[edit | edit source]
.jpg)
Oximooyu ti epooma yuulupale ya muttetthe a epuruvinsiiya ya Omaniika.Yookhalana estatuutu ya epooma ni Yookhalana mikaano saya ni mmatumereryoni mwaya ti munisiipiyu ni kuveerunia aya mmoosa onamuthaanliwa; ni tho tie,okhuuma mwaakha wa 2013, muttetthe a etistiriitu emoosa, unitaata emoosa ya Kuveeruni aame ni senteraale, otumereeriwa ni musatooro mmoosa[1]. Vothariheeliwaka mwareepele a mwaakha wa 2007 epooma ya Oximooyu yookhalana apinaatamo ikooto imiiya 238.976, muhina mwa muttetthe aya 174 khilomu²[2].
Ehaantisi[edit | edit source]
Nuekeleyu nopaceerya na epooma mapuuro ale, opatuxiiwa mwaakha wa 1893, yiitthaniwa epooma yamukhaani ya Opereeto, erumeelaka eteriminaale ya mutaala wa xipooro okhuuma epooma ya Opeera. Mwaakha wa 1899 omweene Otumererya wahithamiiheriwa Oximiyaala, muttetthe arukuuxale nsiina naya nniitthaniwa Omanantiiku ni yahithatuuwa enekhenekhe ya epooma yaninaano.Mwaakha wa 1916 anamuttetthene yahaakhela nsiina na epooma yamukhaani ya Pery, vattittimiho na João Pery wa Lind, Koverenatooro a muttetthe a Ekompanyiiya ya Omosampiikhi. Yunuuheriwa wa epooma wiraneeye mahiiku yeetta aya 17 Mweeri wa nithana miili Mwaakha wa 1969, ni mahiiku yeettaka 12 mweeri wa nithana mmoosa mwaakha wa 1975 tupwattuuwa wa nsiina nna nirumeeliwa mahiiku ala nakheeheriwe viraneeyaka epaaca yapinaatamu yaholeeliwe ni Muhooleli Opaceerya a elaapo ya Omosampiikhi, Samora Machel. Vathariheliiwaka ephaattu ya moolumo,nsiina na Oximooyu niphaatthuw muhiina mwa nikooto na mmuttwettheni mme, na nikooto wala nikhuuru " Mooyo"[3].
Muhaakhu[edit | edit source]
Epwanyaneeya mmuttettheni mwa "Ekoretoore ya Opeera ", ekweeheriwa ni eraapha ni muttaala a xipooro olutteleela Epoortu ya Opeera eroowaka POsaimpaapwe, Oximooyu yookhala okhuuma khula okaathi maraarelo munceene wa muhaakhu, nnaamwi opwanyaneya aka muhiina mwa Omosampiikhi[4].
Sootekasiwa[edit | edit source]
Mikukuutta
Epooma ele enituupwa ni eraapha enithaniiwa N6,eluttelela Omaanika, Oharaare (Osimpaapwe ) ni Opeera[5]. Ekiina ekweeherya iloxiistika yamureerelo a Muttaala wa Xipooro Opeera –Opulawaayu, olutteleelana ni epoortu yapakiite ya Opeera weeyo ekweeherya olovoliiwa mihokhurookho siruweeriwa muhina mwa miteeko soolima[6].
Epooma ela nnleelo enikootha ne aerotooromu. Ekaapu ya Matteeka ya Oximooyu ekanyeeryo aya (VPY).
Osomiiha[edit | edit source]
Oximooyu yokhaala Efakulitaata ensoomwa Enciinyeero mihiina mwa mukhaleelo a Ampiyeeti ni Mireerelo sa ephaattu, sintumereriiwa ni Universitaate Sampeese, nipuuro nowooneyaxa muhiina mwa miteeko sowinuuherya Osooma[7].