Wp/vmw/Etistiriitu ya Omacakaasi
Etistiriitu ya Omacakaasi[edit | edit source]
Etistiriitu ya Omacakaasi eeri mpaatta wa othi wa muttette a epuruviisiya ya Okaasa, Omosampiikhi. Eseeti aya epooma yamukhaani ya Macakaasi. Ipoosto sotumereerya sa Omasuukani ni Okhuseene, siireera mmpantte viyeela, sothamiheeriwa khiroohiwa muttetthe muusya wa etistiriitu ya Oxonkweeni, muhiina mwa mukhaalelo musya wa matumereeryo a mwaakha wa 2016. Mikaano sa makhaleelo aya, Ota ni itistiriitu ya Opaanta ya muttetthe wa Winyampaani, moono othi omaphattuweeloni ni etistiriitu ya Osavaala ni Winyariime sa mutetthe yoole nleelo, Othi ni epahaari Intiiku othi moono otupweela nsuwu ni etistiriitu ya Oxokweene ni moono omatupweeloni eniirana mukaano ni muttetthe wa Oxiiputu[1].
Etistiriitu ya Omacakaasi opaceryani wa mwaakha wa 2016 yaarina, muttetthe aya wa ikooto 3 748 sq ikhilomu² ni apinaatamu aya orepeeliwa mwaakha wa 2007 a ikooto emiiya de 168 969 yapinaatamu, yoniiherya mwaattelo apinaatamu wa 45,1 apinaatamu wa khuta ekhilomu² enaakanyeryana muncerereyo wa 4,9% vatanainiihiwa naale a ikooto emiiya 161 488 sapinaatamu waleepwe muhiina mwa mwaarepela a mwaakha wa 1997.[2]
Makawanyereyo wa Matumeereryo[edit | edit source]
Etistiriitu ela enkawaanyenye muhiina mwa ipoosto sotumeererya thaanu: Oxaalala, Oxittenkeele, Makwaakwa ni Omacaakasi, sinilutteleela ilokalitaate sinitthareelana:
Epoosto Yotumeererya ya Oxaalala: Oxaalala Omuusenke Epoosto Yotumeererya ya Oxipoonsane: Opacaane Epoosto Yotumeererya ya Oxittenkeele : Opeetula Oxittenkeele Ottenkwaani Epoosto Yotumeererya ya Omakwaakwa: Oxilaatthanyane Omakwaakwa Epoosto Yotumereerya ya Omacakaasi: Epooma ya Omacakaasi ila Niweehe tho wi mwaakha 1998 epooma ya Omacakaasia, mpaakha va paahi mmoosa wa mpaatta Yotumeererya wa muhaleelo ya Epoosto yotumeererya, ehunuwiiheriwa khukhaala Munisiipiyu[3].