Wp/vmw/Epooma ya Wangoche (Oparapaatho)
Wangoche (Oparapaatho)[edit | edit source]
Oparapaatho epooma emosa ya eproviinsiya ya oWaamphula mpuwa wa oMosambiki, eseedi ya edistriitu ni nsina nenlo. Mwa mpantta wa muhoolelo, emunisiipiyu ni muhoolelo ampuwa memmo oothanliwa. Namoona ceensu a 1997, epooma ela erina atthu oophiyeraka 85 703. [1]
Ethale[edit | edit source]
Nsina Parapato wala Parapatho naanivareliwa muteko mwa eiitthanela epooma ela khalayi, ni mpakha niinaano ninnivareliwa muteko weiwo. Epooma ela yaitthaneliwa António Enes mpakha 1976, uupuweliwaka mwene akhalayi oMosambiki António José Enes.[2]
Mwa epooma ela, amaka ni aswaahiili aakhala vamosa. Epooma ela ennikuxa mmatatani miteko suulupale sa otthatta ikhamparawu.