Wp/vmw/Epooma ya Oyiipu
Epooma ya Oyiipu[edit | edit source]
Oyiipu eviila emosa ya eprovinsia y'oCabo-Delgado, oMosambiki, nikhuru na edistritu ya Oyiipu. Okhuma 2022 opakenyawe municiipiyu, ni makhuru oothanliwa mpuwa memmo. Emphwanyaneya oyilya yo Oyiipu, eyilya emosa ya warkipeelagu wa Quirimbas. Erina anammuttetthe aneettela 4,908 (okontariwa wa 2007).
Eviila ya Oyiipu epattuxinwe mwakha weettelaka 1761, ekhalaka ekapitali yoopatxerya y'oCabo-Delgado, okhuma 1894 mpakha 1902 yaari eseedi ya Nikhuru na oNiyasa. Owela waya oholo nno waawehanne ni miyettelo sa nakoso. Okathi waamaliherimwaya miyettelo sa ikhorowa sahivinyerya ovolola vakhani vakhani, yamaliherenye mmikettelo ya epolitika ni othaamihiwa wa sookawanyiwa sohoolela sa oCabo-Delgado mpakha oPhempa (niinano oPortu Amelia) mwakha wa 1929.[1][2]