Wp/vmw/Epooma ya Oxookue

Epooma ya Oxookue

Oxookue, Chokwé wala Chókwé epoma emosa ya oMosambiki, eproviinsiya ya oGaaza ni nikhuru na edistriitu ni nsina nimosaru nenlo. Mwaakha wa 2002 wahiimmwa wiira emunisiipiyu ila yaarina anamuuttetthe mpakha 50 000, va mathala amphiyerya ikiloomu 50 soolupaanyiwa.

Epoma ela emphwanyaneya vamosa ni muro wa oLimpopo, vanipuroni vootepaxa owerya miteku sa mmatta, mutttetthe aaya aakhenle nsina na Vila Trigo de Morais mwa 25 a mweeri wa Abril wa Mwaakha wa 1964, uupuweliwaka Engenheiro António Trigo de Morais, attharelenle wuunnuwa wa mithinto sa owuuriha maasi imatta sa oLimpopo. Mahiku 17 wa mweeri wa Agosto wa mwakha wa 1971 yahiwelihiwa mwa mpantta wa epoma, ni mweeri wa Maarsu wa 1976, mahiku yeettelaka 13, yaahivinyerya wiitthaniwA oChookue.

Oxookue nno emunisiipiyu ni muhooleli othanliwa okhuma 1998. Muhooleli opatxerya a oConselho Municipal aitthaniwa Salomão Tsavane aathanlinwe mwaakha wa 1998. Khurantteliwaka ni Jorge Macuácua mwaakha wa 2003, ni ahithanliwa tho mwa muteko ola mwaakha wa 2008. Mamuhooleli aili ala yaamutthara FRELIMO. Nenna va epoma ela enholeliwa ni José Vasco Moiane owenle ekhattera okathi vaakhwinyawe Edil Lídia Frederico Cossa Camela, aathanlinwe va amwaathanle a ipoma sa ikuru sa 2013 ni 2018, ninleelo aamutthara FRELIMO.

Soopakiwa

·      Osoma – Mpuwa wa epoma ela yookhala  Instituto Superior Politécnico de Gaza, nimosa na mapuro anxuuttihaniwa otepa xa ottittimihiwa mpuwa wa eproviinsiya ela.

·      Miyeettelo – Eviila ela ennipweha emosa wa istasau suulupale sa Caminho de Ferro do Limpopo, enlupaanyerya oManyissa mwa mpantta wa vathi, ni oXikwalakwaala mwa mpantta nimmorela nsuwa.